Индия Кыргызстандагы өнүктүрүү долбоорлоруна 1.5 млн доллардык гранттарды берүүгө даяр

Индия Кыргызстандагы өнүктүрүү долбоорлоруна 1.5 млн доллардык гранттарды берүүгө даяр

Индия өкмөтү Кыргызстанга тез натыйжа берүүчү жана социалдык өнүгүү долбоорлоруна 1.5 млн доллардык (126.3 млн сомго чейин) гранттарды бөлүүгө даяр. Тиешелүү келишимди ратификациялоо маселеси бүгүн, 22-июнда Жогорку Кеңештин депутаттары тарабынан каралды, деп билдирди парламенттин басма сөз кызматы.

Жыйында аталган маселе боюнча баяндама жасаган экономика жана коммерция министринин орун басары Чоро Сейитов белгилегендей, Меморандум жергиликтүү органдар, өкмөттөр аралык мекемелер же өкмөттүк эмес уюмдар аркылуу ишке ашырыла турган өнүктүрүү жаатындагы анча чоң эмес, бирок натыйжалуу демилгелерди каржылоо үчүн тиешелүү механизмди түзүүгө багытталат.

Меморандумга ылайык, Индия Өкмөтү социалдык-экономикалык өнүктүрүү долбоорлорун ишке ашыруу жана жашоого каржы булактарын камсыздоого жардам берүү үчүн 126.29 млн сомдон ашпаган сумманы гранттык негизде берет.

«Ар бир долбоорго болжол менен 1.5 млн АКШ доллары бөлүнөт, жылына 5-6 долбоорду ишке ашыруу пландалууда. Буга чейин Индиянын элчилигине гранттык жардам көрсөтүү боюнча арыз түшө баштады», – деди Ч.Сейитов.

Талкуунун жүрүшүндө депутаттар арыздарды тандоонун негизги критерийлерине кызыгышты. Депутат Дастан Бекешев каражат толугу менен гранттык негизде бөлүнүп жатканын белгилеп, мыйзам долбоорун колдоду.

Мыйзам долбоору биринчи окууда добуш берүүгө жөнөтүлдү.

Эскерте кетсек, 2021-жылдын 11-октябрында кол Коомдук өнүктүрүүгө багытталган тез таасир этүүчү долбоорлорду ишке ашыруу максатында КР Министрлер Кабинети менен Индия Республикасынын Өкмөтүнүн ортосундагы Өз ара түшүнүшүү боюнча Меморандумуна кол коюлган.

Поделиться в соцсетях:

НБ КР
USD 79.50
EUR 83.20
RUB 1.37
Моссовет
USD 80.77
EUR 84.52
RUB 1.38

Конвертер валют