Депутат Маматалиев инвестор казган 1 кг алтындын чыгымын эсептеп берди

Депутат Маматалиев инвестор казган 1 кг алтындын чыгымын эсептеп берди

Кечээ, 18-майда өткөн Жогорку Кеңештин жыйынында «Жер казынасы жөнүндө», «Жер казынасын пайдаланууда продукцияны бөлүштүрүү жөнүндө макулдашуулар тууралуу» мыйзамдарга киргизилип жаткан өзгөртүүлөр каралды.

Демилгечи депутаттардын бири Марлен Маматалиев белгилегендей, мыйзам долбоору жер казынасын пайдалануу учурунда мамлекеттин жеке жана юридикалык жактар, инвесторлор менен келип чыккан мамилелерин жөнгө салуу максатында иштелип чыккан.

«Жер казынасы жөнүндө» киргизилип жаткан өзгөртүүлөргө ылайык, алтындын ири жана орто кендерин пайдалануу укугун берүү боюнча аукциондун же конкурстун жеңүүчүсү деп таанылган юридикалык же жеке жак, анын ичинде чет өлкөлүк жак жер казынасын пайдалануу укугуна лицензияны өзүнө каттатуу үчүн КРнын кеминде 30%дык үлүштүк катышуусу менен юридикалык жакты түзүүгө милдеттүү.

Ошондой эле «Жер казынасын пайдаланууда продукцияны бөлүштүрүү жөнүндө макулдашуулар тууралуу» мыйзамга өндүрүлүүчү продукцияны бөлүштүрүүгө тиешелүү өзгөртүүлөр сунушталган. Тактап айтканда, продукцияны бөлүштүрүүнүн пропорциясы – пайдалуу кендин геологиялык-экономикалык жана нарктык баасына, техникалык долбоорго, макулдашуунун техникалык-экономикалык негиздемесинин көрсөткүчтөрүнө жараша макулдашуу менен аныкталат. Мында өндүрүлгөн продукциядагы КРнын үлүшү кеминде 30%ды түзүүгө тийиш.

Жыйында башка депутат Султанбай Айжигитов кендерди иштетүүдө Кыргызстандын үлүшү 70%, инвестордун үлүшү 30% болушу керектигин белгиледи. Натыйжада, мыйзамдын демилгечиси Маматалиев менен Айжигитов кайым айтыша кетишти.

Бүгүн болсо, Марлен Маматалиев өзүнүн Facebook баракчасында алар иштеп чыккан мыйзам долбоордо эмне үчүн Кыргызстандын үлүшү 70% эмес, 30% болушу керектигин түшүндүргөн видеосун жарыялады жана инвестор казып чыккан 1 кг алтындын чыгымдарын эсептеп берди.

«1 кг алтындын баасы учурда 60 миң доллардын тегерегинде. Ошол 60 миңдин 18 миң доллары Кыргызстанга калат. Ал эми инвестор 42 миң доллар алат. Бирок ал алтын жөн эле жерде жаткан жок да. Аны чалгындоого, изилдөөгө, казууга, аффинаждык заводго алып барат, ошолордун баары биригип, анын өздүк наркы 30 миң долларды түзөт, айрым жерлерде бул 40 миң долларга чейин жетет. Инвестор 12 миң доллар таза киреше көрөт», – деди ал.

Поделиться в соцсетях:

Акыркы жаңылыктар

Мамлекеттик ишкана казарма курууга арналган 26 млн сомду коротуп салган 1 июля 2022 г.    18:09
Оштон Ысык-Көлгө түз аба каттамы ачылды 1 июля 2022 г.    17:54
Эски прокуратуранын имараты бузулуп, ордуна жети кабаттык заманбап имарат курулат 1 июля 2022 г.    15:14
Жарым жыл ичинде 263 бизнеске банктан кредит алууга мамлекеттик кепилдик берилди 1 июля 2022 г.    14:57
Садыр Жапаров Кыргызстандын өнүгүүсүнө жана бюджетти толтурууга кошкон салымы үчүн ишканаларга сыйлык тапшырды 1 июля 2022 г.    14:07
Кыргызстандын банктары накталай долларды миллиондоп алып келет, бирок аны Россияга мүшөктөп ташып жатышат — Улуттук банктын жетекчиси 1 июля 2022 г.    13:09
Алты өлкөнүн темир жол тармагынын өкүлдөрү эл аралык маршрутту өнүктүрүү маселесин талкуулашты 1 июля 2022 г.    11:53
Fly Dubai Дубайдан Бишкекке жумасына 14 жолу каттайт 1 июля 2022 г.    10:42
Бардык жаңылыктар
НБ КР
USD 79.50
EUR 83.20
RUB 1.37
Моссовет
USD 80.77
EUR 84.52
RUB 1.38

Конвертер валют