Korea Telecom Corporation санариптештирүү жаатында КРнын өкмөтү менен кызматташууга кызыкдар

Korea Telecom Corporation санариптештирүү жаатында КРнын өкмөтү менен кызматташууга кызыкдар

Korea Telecom Corporation санариптештирүү жаатында КРнын өкмөтү менен кызматташууга кызыкдар. Бул тууралуу аталган компаниянын президенти Юн Кёнг Лим министрлер кабинетинин төрагасы Акылбек Жапаров менен жолугушуу учурунда билдиргенин минкабдын маалымат кызматы кабарлады.

Жапаров ири байланыш операторлорун жана банкты башкаруу функциялары санариптик өнүктүрүү министрлигине өткөрүлүп берилгенин, ошондой эле аларды өнүктүрүү жана санариптештирүү боюнча масштабдуу тапшырмалар коюлганын белгиледи. Ал мындан ары телекоммуникациялык компания менен кызматташууну чыңдоо жана өнүктүрүү аркылуу экономика жана каржы, маалыматтык-коммуникациялык технологиялар тармактарына алдыңкы тажрыйбаны киргизүүгө даяр экендигин билдирди. 

Жолугушуунун жүрүшүндө КРнын санариптик трансформациясынын Улуттук стратегиясын иштеп чыгуудагы изилдөөлөрдүн жыйынтыктары сунушталды.

«KT Corporation компаниясынын президенти Юн Кёнг Лим мындан ары жемиштүү кызматташууга кызыкдар экенин билдирди», – деп айтылат маалыматта. 

KT Corporation – медиа, интернет-банкинг, кыймылсыз мүлк, финансы жана энергетика сыяктуу бизнес чөйрөлөрүн жана башка тармактарды бириктирген көп тармактуу инвестициялык холдинг (45 туунду компаниясы бар). Компания уюлдук (22.3 млн абонент) жана стационардык байланыш (13.4 млн абонент), жогорку ылдамдыктагы интернет (9.2 млн абонент), акы төлөнүүчү телеканал (10.7 млн абонент) кызматтарын көрсөтөт.

Поделиться в соцсетях:

Акыркы жаңылыктар

Бишкек шаарын өнүктүрүү агенттиги инвесторлор үчүн колдонмо иштеп чыкты 30 июня 2022 г.    18:08
«Кыргызиндустрия» демилгеси астында компьютерлерди, Wi-Fi роутерлерин жана кассалык машиналарды чыгаруу пландалууда 30 июня 2022 г.    17:31
Кыргызстандын Кытайга карызы 1.8 млрд долларга жакындады 30 июня 2022 г.    16:49
Кыргызстандын Сот департаменти менчиктештирилип, калыбына келтирилген «Синегорье» пансионатын тартып алууга аракет кылууда – ээлери президенттен коргоо сурашууда 30 июня 2022 г.    15:58
Айыл тургундары өз алдынча онлайн-курстарды ача башташты 30 июня 2022 г.    14:47
Кытай экинчи айланма Чүй каналынын курулушун каржылайт 30 июня 2022 г.    13:59
Түркиялык YDA Group компаниясы «Манас» жана «Ош» аэропортторун сынаксыз 39 жылга башкарууга алат — Жанар Акаев 30 июня 2022 г.    12:45
Минкаб башчысынын жаңы орун басарлары ант беришти 30 июня 2022 г.    12:23
Бардык жаңылыктар
НБ КР
USD 79.50
EUR 83.20
RUB 1.37
Моссовет
USD 80.77
EUR 84.52
RUB 1.38

Конвертер валют