Казакстан жүктөрдү өткөрбөй жатса, анда сууну бербегиле, жапкыла – депутат

Казакстан жүктөрдү өткөрбөй жатса, анда сууну бербегиле, жапкыла – депутат

Бүгүн, 11-майда Жогорку Кеңештин жыйынында «Женева шаарында 2008-жылдын 20-февралында кол коюлган Жүктөрдү эл аралык жолдордо ташуу келишими жөнүндө конвенциянын электрондук коштомо кагазга тийиштүү кошумча протоколуна КРнын кошулуусу тууралуу» Мыйзамдын долбоору биринчи окууда каралууда.

Жыйында депутаттар Казакстан менен Кыргызстандын чек арасында тыгында турган, казак тарап өткөрбөй жаткан жүк ташуучу автоунаалар тууралуу маселени көтөрүштү. Депутат Дастанбек Жумабеков унаалар эмне үчүн кезек күтүп, өтө албай турушканына, көйгөй эмнеде экенине кызыкты.

Транспорт министринин орун басары Таабалды Тиллаев: «Биздин министрлик тарабынан маселе жок, көмүскө экономика деген эле маселени угуп атабыз, так билбейбиз», – деген жообун берди.

Ал эми депутат Марлен Маматалиев Транспорт министрлигине Казакстан башка конвенцияларга киргенинин карап көрүүнү жана ага жараша дооматтарды айтууну сунуштады.

«Бул маселе жакынкы арада чечилбейт, алардын саясаты башка. Анда сууну бербегиле, токтоткула, жапкыла. Биз деле өзүбүздү көрсөтөлү», – деди Маматалиев.

Эскерте кетсек, Казакстан Кыргызстан менен чек арадагы көзөмөлдү кайрадан күчөтөрүн Казакстандын Финансы министрлигинин мамлекеттик киреше комитети билдирген болчу.

Казак бийлигинин маалыматына караганда, көзөмөл начарлагандыктан, Кыргызстандын айрым ишкерлери мурдагы келишимдерден пайдаланып, Казакстанга декларацияланбаган, контрафакттык товарларды алып киришкен. Мыйзам бузуулар олуттуу түрдө көбөйүп, КРдан Россияга Казакстан аркылуу өтүш керек болгон майнинг техникасын жана электрондук тамекилерди ташып келүү фактылары көбөйүп кеткени байкалган.

Натыйжада, көзөмөл күчөп кыргыз-казак чек арасындагы Кең-Булуң өткөрмө бекетине жакын жерде 100гө жакын жүк ташуучу унаалар өтпөй туруп калган.

Талкуудан соң мыйзам долбоору добуш берүүгө жөнөтүлдү. Конвенциянын кошумча протоколу жүктөрдү эл аралык автотранспорттук ташуу келишиминин тараптарына электрондук түрдө (e-CMR) жол баракчасын түзүүгө юридикалык мүмкүнчүлүк берет.

Поделиться в соцсетях:

НБ КР
USD 80.98
EUR 82.36
RUB 1.33
Моссовет
USD 83.05
EUR 85.13
RUB 1.37

Конвертер валют