Садыр Жапаров Кыргыз-Орус Славян университетин бүтүргөнү чын – ректор

Садыр Жапаров Кыргыз-Орус Славян университетин бүтүргөнү чын – ректор

Садыр Жапаров 2006-жылы Кыргыз-Орус Славян университетинин юридикалык факультетинин сырттан окуу бөлүмүн аяктагандыгын расмий тастыктайт. Бул тууралуу бүгүн, 21-январда журналисттерге аталган университеттин ректору Владимир Нифадьев билдирди.

Эскерте кетсек, буга чейин депутат Дастан Бекешев өзүнүн Facebook баракчасында жасалма диплому үчүн депутаттык мандатынан ажыратылган Орозайым Нарматова тууралуу айтып жатып, президенттин дипломунун жасалма эместигинен күмөн санаган оюн билдирген болчу. Анда депутат президент Садыр Жапаров менен бир жылда, бир университетте окуганын, бирок ал тууралуу эми билгенин айткан эле. «Президент Садыр Жапаров КРСУнун юридика факультетин мен окуган жылы бүтүргөн экен (бул тууралуу жаңы эле билдим), бирок анын группалаштары кимдер, ал азыр мамлекет жана укук теориясын эстейби?», – деген эле Бекешев.

Окуу жайдын ректору Владимир Нифадьев Жапаров дипломдук ишин мыкты жактаганын билдирди. «Ал 2006-жылдын 19-майында «КРнын Жогорку Кеңешинин депутатынын конституциялык-укуктук макамы» деген темадагы дипломдук ишин «эң жакшы» деген баага жактаган. Садыр Жапаров КРСУнун бардык бүтүрүүчүлөрү сыяктуу эле кыргыз жана орус үлгүсүндөгү дипломдорду алган», – деди Нифадьев.

Эскерте кетсек, Садыр Жапаров УКМКга бардык деңгээлдеги мамлекеттик кызматкерлердин арасында билими тууралуу жасалма диплом, күбөлүк жана сертификаттардын болушу жана колдонулушу боюнча масштабдуу текшерүү жүргүзүүнү тапшырган. 2022-жылдын 24-январында башталып, 3 айга созула турган бул иш-чаранын жыйынтыгында, УКМК билими тууралуу жасалма документтери бар бардык мамлекеттик жана муниципалдык кызматкерлерди, бардык деңгээлдеги депутаттарды ээлеген кызматын өз алдынча бошотуу маселесин кароого чакырат.

Поделиться в соцсетях:

Акыркы жаңылыктар

Курс жогорулап же төмөндөп турушу мүмкүн – Улуттук банк валюта рыногундагы абалга пикирин билдирди 27 мая 2022 г.    18:46
30-майдан 3-июнга чейин Бишкек – Нарын – Торугарт жолунун айрым бөлүгү убактылуу жабылат 27 мая 2022 г.    18:27
Кыргызстан менен Казакстандын компаниялары 1.5 млн долларлык келишимдерге кол коюшту 27 мая 2022 г.    15:56
Кумтөр кенинин карьеринин кыймылга келген жерлерден кызматкерлер жана техникалар чыгарылды 27 мая 2022 г.    14:31
Кыргызстанда биринчи күн станциясы курулат – аны Евразия өнүктүрүү банкы 40 млн долларга каржылайт 27 мая 2022 г.    12:38
Германия кечкен КРнын 14.9 млн евро суммасындагы карызы МИКке KfW банкы аркылуу берилет 27 мая 2022 г.    11:46
ЕАӨБ айыл чарба тармагын колдоого Айыл Банк аркылуу 8 млн долларлык кредиттик линия ачат 27 мая 2022 г.    11:14
Доллардын курсу 84-85 сомго чейин көтөрүлдү 27 мая 2022 г.    9:59
Бардык жаңылыктар
НБ КР
USD 80.77
EUR 86.67
RUB 1.26
Моссовет
USD 84.69
EUR 89.44
RUB 1.30

Конвертер валют