Чубак Темиров: IT тармагы өтө кирешелүү бирок тобокелдүү бизнес экенин түшүнүшпөйт

Чубак Темиров: IT тармагы өтө кирешелүү бирок тобокелдүү бизнес экенин түшүнүшпөйт

IT тармагы жогорку кирешелүү ошол эле учурда тобокелдүү бизнес экенин түшүнүшпөйт. Мындай пикирин бүгүн, 14-декабрда Economist.kg басылмасы уюштурган «Кыргызстанда инвестициялык климатты калыбына келтирүү мүмкүнчүлүгү барбы?» аттуу тегерек столдо Жогорку технологиялар паркынын директору Чубак Темиров билдирди.

Анын айтымында, учурда өлкөдө ички инвесторлор жок эмес, бар, бирок алар каражаттарын таптакыр башка тармактарга салышууда жана өлкөдө инвесторлук маданияты өнүгө элек.

«Бизде ички инвесторлор жок эмес, бар. Бирок алар акчаларын тойкана курууга, үй алуу сыяктуу башка жактарга салып жатышат. Алынган 20-30 квартиралары турат. Биздеги инвесторлук маданияты дагы да өнүгө элек. Биринчи кезекте инвесторлорду акчаны кайсы жака салыш керектиги тууралуу үйрөтүш керек.

Бизден акчаны IT тармагына кантип салыш керектиги тууралуу көп сурашат. Баары эле кыска мөөнөттүү кирешеге кызыгышат, азыр 100 сом салса, бир айдан кийин 1000 сом алууну күтүшөт. Алар бул жогорку кирешелүү ошол эле учурда тобокелдүү бизнес экенин түшүнүшпөйт. Биз инвесторлорду 100 сомду 10 компанияга салып, бирок алардын бирөөсүнөн гана пайда алууга даяр бол деген түшүнүккө жеткиришибиз керек», – деди ал.

Темировдун билдиргениндей, Жогорку технологиялар паркынын резиденттеринин кирешеси өсүп жатат, бирок бул негизинен буюртмалар болуп, алар биринчи кезекте аутсорсго иштешет. Алар каалагандай көбүрөөк компаниялардын негизделиши үчүн мамлекет тарабынан IT тармагына алгылыктуу колдоо керектигин ЖТПнын башчысы коңшу өлкөлөрдүн мисалында айтып өттү.

«Биз Өзбекстан, Казакстанга барганда көрүп жүрөбүз, аларда инфраструктура аябагандай өнүккөн, мамлекет аябай колдоо көрсөтүп келет. Мисалы, Өзбекстандын президенти шаардын борборунан IT шаарчанын курулушуна 6 га жер бөлүп берген. Ал курулуш иштери бүтүп, 2023-жылы толук ишке киришүүгө даярданып жатышат.

Биздин бийлик имарат бөлүп берген, бирок коңшу өлкөлөргө салыштыра турган болсок, шарттар жакшы эмес. Эгер мамлекеттин колдоосу тууралуу сөз кылсак, инвесторлор келгенде турган жерибизди, айтишниктерибизди көрсөтө тургандай болгон шарттарды түзүп берсе жакшы болмок», – деди ЖТПнын директору.

Поделиться в соцсетях:

Акыркы жаңылыктар

Бишкек шаарын өнүктүрүү агенттиги инвесторлор үчүн колдонмо иштеп чыкты 30 июня 2022 г.    18:08
«Кыргызиндустрия» демилгеси астында компьютерлерди, Wi-Fi роутерлерин жана кассалык машиналарды чыгаруу пландалууда 30 июня 2022 г.    17:31
Кыргызстандын Кытайга карызы 1.8 млрд долларга жакындады 30 июня 2022 г.    16:49
Кыргызстандын Сот департаменти менчиктештирилип, калыбына келтирилген «Синегорье» пансионатын тартып алууга аракет кылууда – ээлери президенттен коргоо сурашууда 30 июня 2022 г.    15:58
Айыл тургундары өз алдынча онлайн-курстарды ача башташты 30 июня 2022 г.    14:47
Кытай экинчи айланма Чүй каналынын курулушун каржылайт 30 июня 2022 г.    13:59
Түркиялык YDA Group компаниясы «Манас» жана «Ош» аэропортторун сынаксыз 39 жылга башкарууга алат — Жанар Акаев 30 июня 2022 г.    12:45
Минкаб башчысынын жаңы орун басарлары ант беришти 30 июня 2022 г.    12:23
Бардык жаңылыктар
НБ КР
USD 79.50
EUR 83.20
RUB 1.37
Моссовет
USD 80.77
EUR 84.52
RUB 1.38

Конвертер валют