Швейцария Кыргызстандын кышкы туризмин өнүктүрүүгө 320 млн сомго жакын каражат берди

Швейцария Кыргызстандын кышкы туризмин өнүктүрүүгө 320 млн сомго жакын каражат берди

Швейцария кышкы туризм тармагында иштегендерге татыктуу жумуш жана киреше менен камсыз кылуу үчүн 3.5 млн швейцар франкын (болжол менен 320 млн сом) бөлгөн. Долбоор 2-декабрда башталды.

Долбоор Каракол шаарында, кийинчерээк өлкөнүн башка аймактарында лыжа тебүү, муз тебүү, кар тебүү жана башка кышкы спорттун түрлөрүн өнүктүрүүгө көмөктөшөт.

«Биргелешкен аракеттерибиз менен кышкы туризмди өнүктүрүүдө ийгиликтерге жетише алабыз деп ишенем. Анан калса, өлкөбүздүн атагын чыгарып, кышкы туризмди туруктуу өнүктүрүүнүн эффективдүү механизмин түзө алабыз», – дейт Маданият министрлигинин алдындагы Туризм департаментинин директорунун орун басары Кыял Кенжематова.

«Кыргызстандын туризми көптөгөн адамдар үчүн киреше жана экономикалык мүмкүнчүлүктөрдү түзүп, экономикалык өсүштүн маанилүү кыймылдаткычы боло алат. Кыргызстандын өкмөтүнө жана башка жергиликтүү өнөктөштөргө жеке секторду, анын ичинде туризм секторун өнүктүрүүдө колдоо көрсөтүү Швейцариянын кызматташтыгынын артыкчылыктуу багыттарынын бири», – деди Швейцариянын Кыргызстандагы элчиси Оливье Бангертер.

Швейцариялык долбоор ошондой эле климаттын өзгөрүшү жана экологиялык маселелерге да багытталат. Иш-чаранын жүрүшүндө катышуучуларга долбоордун негизги жумуштары жана пландаштырылган иш-чаралары тааныштырылды.

Долбоордун биринчи фазасы төрт жылга эсептелген жана аны Хелветас Кыргызстан ишке ашырууда.

Поделиться в соцсетях:

НБ КР
USD 84.79
EUR 95.72
RUB 1.07
Моссовет
USD 84.92
EUR 96.07
RUB 1.09

Конвертер валют