Эржан Кайыпов: бюллетендер колго убагында саналбаганы күмөн жаратат

Эржан Кайыпов: бюллетендер колго убагында саналбаганы күмөн жаратат

Бюллетендерди колго эсептөө эртеси күнү башталганы күмөн жаратат. Себеби, эсептөө убагында жүргүзүлбөгөндөн кийин, түнкүсүн сервердеги маалыматка ылайыктап өзгөртүлбөгөнүнө эч ким кепилдик бере албайт. Мындай пикирин «Улуттар Биримдиги» партиясынан талапкер Эржан Кайыпов Economist.kg басылмасына билдирди.

Анын айтымында, одоно мыйзам бузуулар болгон.

«Шайлоо күнү, сервер иштебей калганга чейин кечки саат 20.00 чамасында жергиликтүү шайлоо участкаларындагы маалыматтар болжолдуу 30% чыккан эле, ошондо бизде 47 миң добушубуз бар экенин сервер көрсөтүп жаткан. Ал эми 80%дан өткөндөн кийин добуштарыбыз 29 миңге түшүп калды. Бул кандай көрүнүш? Шайлоочунун берген добуштарынын саны кыскарбай, тескерисинче, өсүш керек да», – деди ал.

Ошондой эле Эржан Кайыпов эртеси саналып баштаган бюллетендер күмөн саноону жаратып жатканын жана мыйзамга туура келбеген мындай көрүнүштөр шайлоонун жыйынтыгын толук жокко чыгаруулусуна негиз боло алаарын баса белгиледи.

«Сервер өчүп калгандан кийин күмөн саноону жоюу үчүн саат 20.00дө кол менен эсептөө ЖМКдын, партиялардын байкоочуларынын катышуусунда жүрүш керек болчу. Ал жүргүзүлгөн жок. Колго эсептөө эртеси күнү башталганы күмөн жаратып жатат. Себеби, убагында жүргүзүлбөгөндөн кийин түнкүсүн алардын өзгөртүлбөгөнүнө эч ким кепилдик бере албайт. Себеби, бюллетендердин нумерациясы деле жок. Алардын алмаштырылышы, сервердеги маалыматтар менен дал келтирилиши толук ыктымал. Ошондуктан ушундай мыйзамга туура келбеген көрүнүш шайлоонун жыйынтыгын толук жокко чыгаруулусуна негиз боло алат.

Бийликчил деп аталган партиялардын баары өтүп жатат, калган партиялардын баарынын добуштарынын саны кыскарып кетти. Бул уят эле көрүнүш эмеспи», – деди талапкер.

Ал эми бүгүн, 30-ноябрда президент Садыр Жапаров өзүнүн Фейсбук баракчасында шайлоо тууралуу пикирин билдирип, бийлик шайлоо процессине, БШКнын ишине кийлигишпегенин айтты.

Поделиться в соцсетях:

Акыркы жаңылыктар

Курс жогорулап же төмөндөп турушу мүмкүн – Улуттук банк валюта рыногундагы абалга пикирин билдирди 27 мая 2022 г.    18:46
30-майдан 3-июнга чейин Бишкек – Нарын – Торугарт жолунун айрым бөлүгү убактылуу жабылат 27 мая 2022 г.    18:27
Кыргызстан менен Казакстандын компаниялары 1.5 млн долларлык келишимдерге кол коюшту 27 мая 2022 г.    15:56
Кумтөр кенинин карьеринин кыймылга келген жерлерден кызматкерлер жана техникалар чыгарылды 27 мая 2022 г.    14:31
Кыргызстанда биринчи күн станциясы курулат – аны Евразия өнүктүрүү банкы 40 млн долларга каржылайт 27 мая 2022 г.    12:38
Германия кечкен КРнын 14.9 млн евро суммасындагы карызы МИКке KfW банкы аркылуу берилет 27 мая 2022 г.    11:46
ЕАӨБ айыл чарба тармагын колдоого Айыл Банк аркылуу 8 млн долларлык кредиттик линия ачат 27 мая 2022 г.    11:14
Доллардын курсу 84-85 сомго чейин көтөрүлдү 27 мая 2022 г.    9:59
Бардык жаңылыктар
НБ КР
USD 80.77
EUR 86.67
RUB 1.26
Моссовет
USD 85.04
EUR 89.69
RUB 1.30

Конвертер валют