Садыр Жапаров: Ооба, мен добушумду Равшан Жээнбековго бердим

Садыр Жапаров: Ооба, мен добушумду Равшан Жээнбековго бердим

Президент Садыр Жапаров өзүнүн Фейсбук баракчасында добушун камактагы Равшан Жээнбековго бергени тууралуу билдирүү жасады.

Анын айтымында, көптөгөн талапкерлер президент эмнеге добушун аларга бербегенин айтып таарынышкан.

«Ооба. Мен добушумду камакта жаткан талапкер Равшан Жээнбековго бердим. Ал азыр камакта. Анын күнөөлүү же күнөлүү эмес экенин укук коргоо органдары менен сот чечет. Алардын иштерине кийлигишкенге эч кимибиздин акыбыз жок. Мындан ары система анан мыйзамдар так иштеш керек. Кыргызстандыктар ошого көнүшүбүз керек», – деди ал.

Мындан тышкары, ал эмне үчүн добушун Жээнбековго бергенин түшүндүрүп, ага боору ооруганын билдирген.

«Камакта жаткан адамдар мейли күнөөсү барбы же жокпу анысына карабай мусапыр болушат. Боорум ооруйт. Андан сырткары, Равшан Жээнбеков 2017-жылдагы менин ахыбалымдай камакта жатат. Мен да 2017-жылы камакта жатып президенттик шайлоого катышам деп арыз бергем. Бирок мени Атамбаев шайлоого катыштырган эмес. Равшан болсо катышып жатат. Балким, өтүп кетсе, камактан чыгып калаар беле деген эле оюм болду. Башка эч бир сыры жок. Кудай өзү көрүп турат. Саясатташтырбагыла», – деп жазат президент билдирүүсүндө.  

Эскерте кетсек, Садыр Жапаров кечээги шайлоодо Равшан Жээнбековго добуш бергендиги тууралуу айтылган болчу. Борбор Азия боюнча Eurasinet чет элдик басылмасынын редактору Питер Леонард твиттерде жарыялаган чоңойтулган сүрөттө мамлекет башчынын кайсы талапкердин тушуна белги койгону көрүнүп калган.

Поделиться в соцсетях:

НБ КР
USD 84.79
EUR 95.72
RUB 1.07
Моссовет
USD 84.91
EUR 96.15
RUB 1.09

Конвертер валют