Галина Байтерек мыйзамсыз жерге курган имаратын 8 миң долларга ижарага берет

Галина Байтерек мыйзамсыз жерге курган имаратын 8 миң долларга ижарага берет

Президенттик аппараттын билим берүү, илим, маданият, спорт жана жаштар бөлүмүнүн башчысы, буга чейин президент Садыр Жапаровдун басма сөз катчысы болуп иштеп келген Галина Байтеректин мыйзамсыз курулган имараты тууралуу социалдык тармактарда маалымат тарады.

Маалыматка караганда Галина Байтерек Бишкек шаарынын 5-кичи районунда, тагыраак айтканда, Саякбай Каралаев көч., 42 дарегинде имаратты салдырып, аны «Фрунзе» дүкөнүнө ижарага берет. Ижарадан айына 8000 доллар түшөт. Бирок маалыматта көбүрөөк мыйзамсыз салынган имарат тууралуу айтылат.

«Кеп азыр Байтеректин ал имаратты мыйзам бузуу менен салып алганында. Өзү алган жер аздык кылып, акчадан башка нерсени ойлобогон Байтерек жылуулук түтүктөрүнүн үстүнө имаратты салып алган. Мыйзам боюнча, жылуулук берүү түтүктөрү имараттан эң эле аз дегенде 5 метр алыс болушу керек. Байтеректин капчыгын кампайтып жаткан имарат жылуулук берүү түтүктөрүнун так үстүндө жайгашкан», – деп айтылат жарыяда.

Эскерте кетсек, Байтерек бир жылда үч жолу кызмат ордун алмаштырган. Бул кызматтарда жүргөндө Байтерек коомчулуктун катуу сынына кабылган. Ал Өзбекстан менен болгон чек ара боюнча сүйлөшүүлөрдүн жыйынтыгы тууралуу маалыматты туура эмес бергендиктен, ошондой эле ал Токиодогу Олимпиадага барганынан улам чатактын чордонунда калган болчу. Акыркы маалыматтар боюнча, Галина Байтерек КТРКнын башкы директорунун орун басары болушу мүмкүн.

Поделиться в соцсетях:

Акыркы жаңылыктар

Президенттин Иш башкармасы менен Жогорку Кеңештин Иш башкармалыгы бирикти 2 декабря 2021 г.    16:57
Юрист: Укукту жана мыйзамдуулукту тебелеген бийлик эч качан мамлекетти өнүгүүгө алып келбейт 2 декабря 2021 г.    16:48
Өмүрбек Текебаевге кол салгандардын Токмоктун мэри Урмат Самаев менен байланышы бар экени чындык – иликтөө 2 декабря 2021 г.    16:26
Машинаны мас абалында айдагандарга эми 17 500 сом айып салынат 2 декабря 2021 г.    15:32
ЖКнын депутаттарынын кызматтык унаалары алынып, маяналары төмөндөтүлөт – президент жарлыкка кол койду 2 декабря 2021 г.    14:08
«Кут Строй» курулуш компаниясы санитардык аймакта мыйзамсыз үй курууда – ал жерде пластик, машина майлары иштетилет 2 декабря 2021 г.    13:56
Бийлик өсүмдүк майы менен кумшекердин баасына мамлекеттик жөнгө салууну кайра киргизүүнү көздөөдө 2 декабря 2021 г.    11:52
ЖЭБ-2 аймагындагы 47.7 га жер мыйзамдаштырылды 2 декабря 2021 г.    11:28
Бардык жаңылыктар
НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 96.90
RUB 1.16
KZT 0.200

Конвертер валют