Жогорку технологиялар паркынын кирешеси 87%га өстү

Жогорку технологиялар паркынын кирешеси 87%га өстү

Жогорку технологиялар паркынын резиденттеринин III кварталдагы кирешеси 2020-жылдын ушул кварталына (293 млн сом) салыштырмалуу 87%га өсүп, ал 549 млн сомду түздү. Бул тууралуу ЖТП билдирди.

Белгилей кетсек, ЖТПнын резидент-компанияларынын кызматкерлеринин саны 1176 адамга, эмгек акы фондусу 199 млн сомго, патент ээлеринин төлөмдөрү 63 млн сомго чейин көбөйгөн.

Мамлекеттик бюджетке жана Социалдык фондго төлөмдөр да көбөйдү. IT-компаниялар киреше салыгы боюнча 9 млн сом (2020-жылдын үчүнчү кварталына салыштырмалуу + 83%) жана социалдык чегерүүлөр түрүндө 6 млн сом (+ 52%) которду.

Компаниялардын кирешесинин негизги булагы мурдагыдай эле экспорт, иштин негизги түрү программалык камсыздоону иштеп чыгуу жана ишке киргизүү болуп саналат. Ошентип, ЖТПнын резиденттеринин кызматтары АКШ (169 млн сомго), Россия (72 млн сом), Казакстан (69 млн сом), ошондой эле Кипр (64 млн сомго) сыяктуу өлкөлөргө экспорттолгон.

Поделиться в соцсетях:

НБ КР
USD 80.98
EUR 82.36
RUB 1.33
Моссовет
USD 83.03
EUR 85.14
RUB 1.37

Конвертер валют