USAID Кыргызстанда COVID-19га каршы эмдөө кампаниясын колдоого 2.8 млн доллар бөлдү

USAID Кыргызстанда COVID-19га каршы эмдөө кампаниясын колдоого 2.8 млн доллар бөлдү

АКШнын эл аралык өнүктүрүү боюнча агенттиги (USAID) КРнын COVID-19 пандемиясына каршы күрөштө колдоо жана өлкөнүн саламаттык сактоо системасын чыңдоо үчүн кошумча 2.8 млн доллар бөлөөрүн жарыялады. Бул тууралуу агенттиктин маалымат кызматы билдирди.

Жаңы каржылоо эмдөө аракеттерин колдоого, медициналык кызматкерлерди окутууга жана саламаттыкты сактоонун маалымат тутумдарын жакшыртууга жардам берет.

«Коопсуз жана натыйжалуу вакциналар – COVID-19га каршы эң мыкты курал. Өмүрдү сактап калуу, экономиканы калыбына келтирүү жана вирустун жаңы варианттарынын пайда болуу коркунучун токтотуу үчүн биз мүмкүн болушунча көп адамдарды тезирээк эмдөөгө тийишпиз», – деди USAIDдин өкүлчүлүгүнүн башчысынын милдетин аткаруучусу Кит Симмонс.

Бат университетинин вакциналар боюнча кыргызстандык эксперти Асел Сартбаева коронавируска каршы эмдөөнүн маанилүүлүгүнө токтолуп: «Бүгүнкү күндө вакциналар миллиондогон адамдардын өмүрүн сактап калат, аны дарылоого караганда инфекцияны алдын алуу алда канча жеңил жана арзан. Азыркы вакциналар өндүрүлүп жатканда натыйжалуулугу жана коопсуздугу боюнча катуу сыноодоон өтөт. Клиникалык сыноолордун бардык маалыматтары ачык жеткиликтүү, ошондуктан ар бир адам аны көрүп, түшүнө алат. Мен Кыргызстанда жашагандардын баарын эмдөөгө чакырат элем. Бул сизди, үй-бүлөңүздү, туугандарыңызды жана айрыкча элдин аярлуу катмарын коргойт», – деди.

Берилген маалыматка ылайык, бул жаңы каржылоонун алкагында вакциналарды ташуу, сактоо жана башкаруу, ошондой эле эмдөөдөн кийин медициналык таштандыларды туура жок кылуу, вакцина боюнча кеңеш берүү сыяктуу иш-чаралар колдоого алынат. Булардын баары эмдөө кампаниясынын ийгиликтүү болушуна өтө маанилүү. Андан тышкары, дарыгерлер эмдөөдөн кийинки сейрек кездешүүчү кыйынчылыктарды аныктоо жана дарылоо боюнча атайын окуудан өтөт.

USAID каржылоону Abt Associates жана Бүткүл дүйнөлүк саламаттыкты сактоо уюму (ДСУ) аркылуу камсыздайт.

COVID-19 пандемиясы башталгандан бери АКШ КРга 8 млн доллардан ашык каражат бөлгөн. Бул каражат жеке коргонуу шаймандарын сатып алуу, лабораторияларды жаңыртуу, саламаттыкты сактоо маалымат системасын жакшыртуу, медициналык адистерди окутуу, жана кыргызстандыктарды COVID-19 тууралуу маалымат берүүгө багытталган.

Октябрда АКШ Кыргызстанга COVAX механизми аркылуу 250 миң дозадан ашык Pfizer вакциналарын берди.

Поделиться в соцсетях:

Акыркы жаңылыктар

Садыр Жапаров Кыргызстанда казино ачуу боюнча чыр-чатактуу мыйзамга кол койду 1 июля 2022 г.    10:29
Бишкек шаарын өнүктүрүү агенттиги инвесторлор үчүн колдонмо иштеп чыкты 30 июня 2022 г.    18:08
«Кыргызиндустрия» демилгеси астында компьютерлерди, Wi-Fi роутерлерин жана кассалык машиналарды чыгаруу пландалууда 30 июня 2022 г.    17:31
Кыргызстандын Кытайга карызы 1.8 млрд долларга жакындады 30 июня 2022 г.    16:49
Кыргызстандын Сот департаменти менчиктештирилип, калыбына келтирилген «Синегорье» пансионатын тартып алууга аракет кылууда – ээлери президенттен коргоо сурашууда 30 июня 2022 г.    15:58
Айыл тургундары өз алдынча онлайн-курстарды ача башташты 30 июня 2022 г.    14:47
Кытай экинчи айланма Чүй каналынын курулушун каржылайт 30 июня 2022 г.    13:59
Түркиялык YDA Group компаниясы «Манас» жана «Ош» аэропортторун сынаксыз 39 жылга башкарууга алат — Жанар Акаев 30 июня 2022 г.    12:45
Бардык жаңылыктар
НБ КР
USD 79.50
EUR 83.20
RUB 1.37
Моссовет
USD 80.77
EUR 84.52
RUB 1.38

Конвертер валют