Президент: тажик тарап 210 миң гектар жерди бересиңер деп жатат, мен каршымын

Президент: тажик тарап 210 миң гектар жерди бересиңер деп жатат, мен каршымын

Бүгүн, 23-октябрда, «Ала-Арча» мамлекеттик резиденциясында президент Садыр Жапаровдун жылдык маалымат жыйыны өтүп жатат.

Жыйында президент Тажикстан менен чек ара маселеси боюнча да суроолорго жооп берди. Президентке «Эмне үчүн чек ара маселеси ушул кезге чейин чечилбей жатат, дагы канча жаран өлүшү керек?» деген суроо берилди.

Жапаров Тажикстан менен чек ара маселесин тактоо кыйын болуп жатканын айтып, кайсы маселелер бар экенин ачыктады.

«Мен чек ара маселесин бүгүн отуруп, чечип коюуга даярмын, бирок ал бизден көз каранды болбой жатат. Чек ара маселеси оюнчук эмес экен. Ооба, Тажикстан менен болгон кагылышууда 36 жаран каза болуп калды. Бул 30 жылдан бери чечилбей келе жаткан маселе экен. Биз Өзбекстан менен чек араларыбызды такташып келе жатканбыз. Ал бүткөндөн кийин Тажикстанга өтөлү дегенбиз, ага чейин мен Тажикстанга байланыштуу документтерди карай элек элем. Май айында УКМКдан эки өлкөнүн өкмөттөр аралык комиссиясынын кагаздарын алдырттым. Ал жерде үч талаштуу маселе бар экен. Ал Төрт-Көчө, Ворухка кеткен жол жана Лейлектеги участок», – деди Жапаров.

Президенттин айтымында, тажик тарап 210 миң гектар жерди сурап жатат. 1956-жылы Совет мезгилинде атка минерлер жылдык планды толтура албагандыктан, жерди кошуна өлкөгө берип салышкан.

«Саясий катачылыктын кесепетинен көп жерлер талаш болуп атат. 1956-жылы өзүбүздүн саясатчылар эттин планын толтура албайбыз деп берип жиберишкен экен. Учурда ата-бабаларыбыздын катасын оңдоп атабыз», – деди президент.

Жапаровдун айтымында, Төрт-Көчө боюнча 2009-жылы 3-мартта Адахан Мадумаров Кыргызстан үчүн пайдалуу эмес протоколду кабыл алган. Тажикстан ушул протоколдун негизинде жер биздики деп жатышат.

«Ал 275 метр жер Тажикстандыкы экенин тааныйм деп протоколго кол коюптур, бирок кайра 49 жылга бизге ижарага берип тургула деп кол коюптур. Ошону менен ижарага алгансыңар деп жатышат, 12 жылы өттү, 37 жылдан кийин же жабабыз, же кайра сүйлөшүүлөрдүн негизинде узартабыз деп жатат. Мен айтып жатам, ал кезде Мадумаровдун кол койгонго акысы болгон эмес. Эч ким ага ыйгарым укук берип, жиберген эмес деп айттым. Бул протокол юридикалык жактан жарабайт экендигин билдирдим. Бул юридикалык документ эмес», – деди Садыр Жапаров.

Поделиться в соцсетях:

Последние новости

Германия КРдагы эмгек рыногунун маалыматтык системасын кеңейтүүгө 11 млн сомдук компьютердик жабдууларды берди 10 августа 2022 г.    16:14
Обещают 10 тысяч сомов всем, кто поддержал открытие казино в КР — Нацбанк предупреждает о мошенниках 10 августа 2022 г.    15:51
Фонд госматрезервов закупил селитру по завышенному курсу доллара и теперь не может ее продать 10 августа 2022 г.    15:37
«Сбербанк» Кыргызстанга акча которууда алынуучу комиссияны жокко чыгарды 10 августа 2022 г.    15:01
Улуттук банк жарандарды интернеттеги алдамчылардан сак болууга чакырат 10 августа 2022 г.    14:45
Кыргызстанда жарыяланган бардык тендерлер тууралуу маалыматты камтыган Tender Smart платформасы ишке кирди 10 августа 2022 г.    14:37
Кыргызстан заплатил Узбекистану $8.7 млн за 20 тысяч тонн удобрений, но получил только пять 10 августа 2022 г.    14:32
KICB сообщил о завершении слияния с «Первой МикроФинансовой Компанией» 10 августа 2022 г.    14:04
Все новости
НБ КР
USD 82.83
EUR 84.83
RUB 1.35
Моссовет
USD 83.90
EUR 86.10
RUB 1.38

Конвертер валют