Көмүрдүн баасынын максималдуу чени белгиленди, бирок баары бир баа көтөрүлүүдө

Көмүрдүн баасынын максималдуу чени белгиленди, бирок баары бир баа көтөрүлүүдө

Монополияга каршы мамлекеттик агенттик облустар, райондор, Бишкек жана Ош шаарларындагы көмүрдүн баасынын максималдуу чегин белгиледи. Бул тууралуу агенттиктин басма сөз кызматы билдирди. Бирок баа жөнгө салынганына карабастан, Улутстаткомдун берген маалыматына ылайык, анын наркы улам көтөрүлүүдө.

Көмүрдүн түрүнө жана өндүрүлгөн жерине жараша анын килограммынын акыркы баасы – 2.5 сомдон 9.5 сомго чейин, тоннасы 2400дөн 8700 сомго чейинки бааны түзөт. Баалар социалдык мааниси бар товарлардын баасын мамлекеттик жөнгө салуу тартибине ылайык белгиленген.

Мамагенттик белгилегендей, көмүр базарындагы учурдагы абал – көмүрдү казуу жана берүү кеч башталгандыктан келип чыккан, ошондуктан көмүр рыногунда үзгүлтүктөр болгон.

Монополияга каршы мамлекеттик агенттик бааны жөнгө салуу үчүн төмөнкү механизмдерди колдонот:

  • Белгиленген баалардын сакталышын көзөмөлдөө үчүн мамлекеттик органдын аймактык бөлүмдөрүнүн кызматкерлеринен, Салык кызматынын органдарынан, жергиликтүү бийлик өкүлдөрүнөн жана ИИМдин кызматкерлеринен жумушчу топтор түзүлөт
  • Эгерде көмүрдү сатуу учурунда мыйзам бузуулар аныкталса, мамлекеттик агенттик аны четтетүү жана бааларды мыйзамдын талаптарына ылайык келтирүү боюнча буйрук чыгарууга укуктуу
  • Мыйзам бузууларга карата КРнын Бузуулар кодексинде айыптар каралган.

Мамлекеттик агенттиктин сайтында көмүрдүн белгиленген баалары тууралуу маалыматтар камтылган, мындан тышкары сатуу жерлеринде баалар тууралуу маалымат болушу керек. Карама-каршы келген учурда Монополияга каршы мамлекеттик агенттиги төмөнкү номерлерге кайрылууну суранат:

  • мамлекеттик агенттиктин борбордук аппараты – 56 33 37, 56 32 19
  • Бишкек шаары жана Чүй облусу боюнча башкармалыгы – 66 14 15
  • Ысык-Көл аймактык башкармалыгы – 0392 23 18 86
  • Нарын аймактык башкармалыгы  – 0352 25 09 53
  • Талас аймактык башкармалыгы  –  0342 25 58 51
  • Жалал -Абад аймактык башкармалыгы – 0372 27 02 23
  • Ош шаары жана Ош облусу боюнча башкармалыгы  – 0322 27 00 25
  • Баткен аймактык башкармалыгы – 0362 25 51 49

Ал эми Улутстаткомдун берген маалыматына ылайык, 21-октябрга карата көмүрдүн орточо баасы өткөн жылдын октябрына салыштырмалуу 832 сомго (дээрлик 19%) жогорулады.

Белгилей кетсек, буга чейин 14-октябрга карата берилген маалыматтар боюнча, баанын өсүшү 794 сомду (дээрлик 18%) түзгөн.

Поделиться в соцсетях:

Акыркы жаңылыктар

Президенттин Иш башкармасы менен Жогорку Кеңештин Иш башкармалыгы бирикти 2 декабря 2021 г.    16:57
Юрист: Укукту жана мыйзамдуулукту тебелеген бийлик эч качан мамлекетти өнүгүүгө алып келбейт 2 декабря 2021 г.    16:48
Өмүрбек Текебаевге кол салгандардын Токмоктун мэри Урмат Самаев менен байланышы бар экени чындык – иликтөө 2 декабря 2021 г.    16:26
Машинаны мас абалында айдагандарга эми 17 500 сом айып салынат 2 декабря 2021 г.    15:32
ЖКнын депутаттарынын кызматтык унаалары алынып, маяналары төмөндөтүлөт – президент жарлыкка кол койду 2 декабря 2021 г.    14:08
«Кут Строй» курулуш компаниясы санитардык аймакта мыйзамсыз үй курууда – ал жерде пластик, машина майлары иштетилет 2 декабря 2021 г.    13:56
Бийлик өсүмдүк майы менен кумшекердин баасына мамлекеттик жөнгө салууну кайра киргизүүнү көздөөдө 2 декабря 2021 г.    11:52
ЖЭБ-2 аймагындагы 47.7 га жер мыйзамдаштырылды 2 декабря 2021 г.    11:28
Бардык жаңылыктар
НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 96.90
RUB 1.16
KZT 0.200

Конвертер валют