Энергетика министрлиги электр жарыгын убак-убагы менен өчүрбөөгө убада берди

Энергетика министрлиги электр жарыгын убак-убагы менен өчүрбөөгө убада берди

Энергетика министрлиги электр энергиясын убак-убагы менен (веердик) өчүрүүгө жол бербөө үчүн бардык чараларды кабыл алат. Бул тууралуу ведомствонун маалымат кызматы кабарлады.

Бекитилген график боюнча, 2021-жылдын октябрь айынын соңуна чейин бардык энергетикалык объекттерде оңдоп-түздөө иштери аяктайт. 1-ноябрдан тарта ремонт иштерине байланыштуу электр энергиясы өчүрүлбөйт.

Бирок авариялык кырдаал жаралса, калыбына келтирүү үчүн жарык өчүрүлүшү мүмкүн. Башка учурда электр энергиясын берүү үзгүлтүккө учурабайт.

Берилген маалыматка ылайык, былтыр пандемияга байланыштуу энергетикалык объектилерде ремонт жүргүзүлгөн эмес. Быйыл бардык жабдуулар оңдоп-түздөөдөн өттү. Ремонт иштери масштабдуу жүргүзүлгөндүгүнө байланыштуу электр жарыгы да өчүрүлүүдө. Министрлик бул аракеттер кышкысын электр энергиясын үзгүлтүксүз берүү максатында жасалганына түшүнүү менен мамиле кылууга чакырат.

Муну менен катар Энергетика министрлиги суу жана электр энергиясы өлкөнүн байлыгы экенин эске алуу менен жарандарды электр энергиясын үнөмдүү колдонууга үндөйт.

Поделиться в соцсетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 96.40
RUB 1.16
KZT 0.200

Конвертер валют