Ачылганына 4 ай болгон ишкана Германиянын базарына кире баштады – жүн иштеткен Чынара Алимаматованын баяны

Ачылганына 4 ай болгон ишкана Германиянын базарына кире баштады – жүн иштеткен Чынара Алимаматованын баяны

Кыргызстанда жүндү тазалап, жууп, тытып, аны кайра иштетип чыгып, андан кездемелерди, жууркандарды тиккен ишкана ачылды. Ачылганына 4 эле ай болгонуна карабастан, ишкана өндүрүлгөн товарын Казакстан, Германияга экспортко чыгара баштаган.

Пандемия учурунда токтоп калган полиграфия бизнесин жүн жууркан жасаган ишканага айлантып, насыя алып, эски заводду жандандырып, ишмердигин баштаган «Эколав» ишканасынын негиздөөчүсү, жеке ишкер Чынара Алимаматова Economist.kg басылмасына өндүргөн продуктусу тууралуу айтып берди.

Көп жылдан бери жүндү иштетүүнү кыялданып жүргөн Чынара пандемия учурунда полиграфия бизнеси токтоп калгандыгына байланыштуу бул жумушту баштаганын айтат.

«Көп жылдан бери жүндү иштетүүнү кыялданып жүрчүмүн. Канчалаган жүндөрүбүз таштандыга ыргытылып, сайга ташталып, өрттөлүп кеткенде аябай кейичүмүн. Өзүбүз кытайдын синтепон, синтетикасынан жууркандарды жамынып, өзүбүздүн жүндөрдү ыргытканыбызды көрүп, «эмне үчүн башкалар таштандыдан киреше тапса, биз эмнеге таза жүнүбүздү таштандыга таштайбыз» деп көп ойлончумун. Пандемия учурунда полиграфия бизнесим токтоп калгандыгына байланыштуу, жасап көрөйүн деп жасап баштадым», – дейт ал.

Бирок жүн иштетүү кыйын болгондугуна карабастан, насыя алып, эски заводду иштетип, аны автоматташтырган.

«Сапаты жакшы болгондуктан баарына жагып, буюртмалар түшө баштады. Бирок жүндү жууп, тазалап, тытуу оор иш, ошондуктан да бул ишти эч ким колго албаса керек. Ойлонуп, изденип жүрүп автоматташтырган жолун таптым. Көп жылдан бери иштебей турган заводду жандандырып, жеке ишкер катары катталып, кредит алып иш баштадык. Жумушумду расмий баштаганыма 4 ай эле болду. Жумушубузду баштаганыбызда аябай какыраган ыссык эле, ошондо жүндөн төшөк тиге баштадык».

Аталган ишкана расмий ачылганына 4 эле ай болгонуна карабастан, тиккен жууркандарын Казакстандын шаарларына, Германияга жөнөтө баштаган.

«Алгач, продуктубузду бизди тааныгандар ала башташты. Тааныштар бири-бирине айтышып эле сатылып жатты. Учурда өндүргөн товарыбызды Германияга да жөнөтө баштадык, ал жактан аябай жакшы пикирлер келди. Тердетпейт экен деп жамынышат экен. Кыргызстандан азыр Германияга туруктуу алып кете баштаган кардарларыбыз пайда болду. Ал эми жакында чыгарган жүн кездемелерибизди Казакстандын Алматы, Астана шаарларына жөнөтө баштадык. Казактарга да аябай жагып жатат», – дейт ишкананын негиздөөчүсү.

Бизнесин 40 миң сом менен баштаган ишкердин кыска убакыттагы товар жүгүртүүсү акырындап көбөйүп бара жатат жана алдыга койгон пландары да ишке ашуу алдында турат.

«Чынын айтсам, 40 миң сом менен эле баштаганмын. Кызматтарды карызга сүйлөшүп, башында кыйналып жүрдүк. Бир-эки жолу өкүнгөн күндөрүм деле болду, бирок кардарлардан жакшы пикирлерди укканда сүйүнүп калат экенсиң. Кийинки жылдан тартып, жүндүн бардык түрлөрүн иштетсек деген ниетибиз бар. Анткени азыр ак койдун гана жүнүн иштетип жатабыз. Ошондой эле дизайнерлер менен биргеликте чапандарды, белдемчилерди, курларды да тиккени жатабыз», – дейт Чынара.

Поделиться в соцсетях:

Акыркы жаңылыктар

Лукашенко Бакиевдерден 1.6 млн доллар пара алган – BYPOL 5 декабря 2021 г.    15:36
6-10-декабрда Бишкектин кээ бир райондорунда жылуулук менен ысык суу убактылуу өчүрүлөт 4 декабря 2021 г.    21:57
Министрлер Кабинети электромобилдердин үлүшүн кескин жогорулатуу үчүн шарттарды түзүүгө умтулууда 4 декабря 2021 г.    20:52
Президент жергиликтүү сотторго бир катар судьяларды дайындады 4 декабря 2021 г.    20:28
Кыргызстанда экономиканын өсүшү бир аз да болсо байкалууда 3 декабря 2021 г.    17:55
Түркиялык инвесторлор Кара-Балта шаарында 1000 жумуш орундуу текстиль фабрикасын ачышат 3 декабря 2021 г.    17:35
Кыргызстан 6 айда Казакстанга дээрлик 7 миң тонна сүт азыктарын экспорттогон 3 декабря 2021 г.    16:16
Кыргызстан Евразия турукташтыруу жана өнүктүрүү фондунан 100 млн доллар насыя албай калды 3 декабря 2021 г.    15:27
Бардык жаңылыктар
НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 96.80
RUB 1.16
KZT 0.210

Конвертер валют