10 миң фермерге 3 жылдык мөөнөт менен 1.5 миң доллардан насыя берилет

10 миң фермерге 3 жылдык мөөнөт менен 1.5 миң доллардан насыя берилет

ЖКнын жыйынында КР менен Эл аралык Өнүктүрүү Ассоциясынын (Дүйнөлүк Банк) ортосундагы Каржылоо жөнүндө келишимдин долбоору жана «Сүт секторунун өндүрүмдүүлүгүн комплекстүү жогорулатуу» долбоорун каржылоо жөнүндө келишимге киргизилип жаткан өзгөртүүлөр каралып, ратификациялык мыйзам долбоору экинчи окууда добуш берүүгө жөнөтүлдү. Бул тууралуу парламенттин басма сөз кызматы кабарлады.

Айыл чарба министри Аскарбек Жаныбековдун айтымында, бул пилоттук долбоор буга чейин Ысык-Көл облусунда сыноодон ийгиликтүү өтүп жатканына байланыштуу, эми ага Нарын менен Талас облустары кошулуп жатат.

Эл аралык Өнүктүрүү Ассоциясы Кыргызстандын Ысык-Көл, Нарын, Талас облустарында уйлардын тукумун жакшыртуу жана сүттүн өндүрүмдүүлүгүн жогорулатуу максатында 17 млн доллар өлчөмүндө каражат бөлөт. Анын жарымы жеңилдетилген насыя жана жарымы грантык каражат болуп саналат. Насыя 38 жылдык мөөнөткө 0.75%дык үстөгү менен берилүүдө.

Долбоорго өзгөртүүлөр киргизиле турган болсо, 10 миң фермерге 3 жылдык мөөнөт менен 1.5 миң доллардан насыя берилет. Жыйналып алынган каражат кайрадан башка фермерлерге бериле берет.

Белгилей кетсек, алдынала макулдашууга ылайык, эгерде бул келишим 2021-жылдын 29-октябрына чейин ратификацияланып калса, 2022-жылдын 1-январында каржылоо жол-жоболору башталаары күтүлүүдө.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 99.40
RUB 1.22
KZT 0.210

Конвертер валют