Бир суроону баарыңыздар бергиңиздер келип турат: эмне үчүн мындай болду, эмне өзгөрдү жана эмне өзгөрөт? – Акылбек Жапаров

Бир суроону баарыңыздар бергиңиздер келип турат: эмне үчүн мындай болду, эмне өзгөрдү жана эмне өзгөрөт? – Акылбек Жапаров

«Кечээ эле ушул залда сиздердин катарыңыздарда отургам, бүгүн, башкы талапкер катары келдим. Бир суроону баарыңыздар бергиңиздер келип турат: эмне үчүн мындай болду, эмне өзгөрдү жана эмне өзгөрөт?» – деген сөзү менен бүгүн, 13-октябрда Министрлер кабинетинин жаңы төрагасы жана президенттик аппараттын жетекчисинин милдетин аткаруучу Акылбек Жапаров ЖКнын жыйынында сөзүн баштады.

«Эмне үчүн мындай болду, эмне өзгөрдү, эмне өзгөрөт? Биз өзгөрдүк, заман өзгөрдү, доор алмашты. Туура бир жыл мурда бийлик алмашты. 3 революцияга күбө болдук. Бирок бир дагы революциядан кийин мамлекеттүүлүктү жоготуп алган жокпуз. Бийликти алмаштыруунун лимитин түгөтүп албадыкпы? Бийлик күтүүсүздөн идеалдуу болуп калбайт, болбойт, болгон да эмес, болгону баарыбыз саясатташып кеттик. Ал эми бизди курчап турган аалам кескин өзгөрдү» – деди ал.

Ошондой эле ал программасы тууралуу да билдирди.

«Мен экономикадагы кырдаалды кылдап талдап чыктым жана төмөнкүдөй тыянакка келдим. Биринчи өнүктүрүүнүн 4 вектору боюнча аракет кылуубуз керек. Алар экономиканын башкы секторлорунун өнүгүшүнө түрткү берчү натыйжаларды камсыз кыла алат», – деди ал.

Анын айтканына таянсак, Министрлер кабинети төмөнкү багытта иш алпарат:

  • Экономиканы фискалдаштыруу жана санариптештирүү
  • Айыл-чарбасын реформалоо жана азык-түлүк менен камсыз кылуу
  • Чакан жана орто бизнести колдоо
  • Көмүскө экономика менен күрөшүү
  • Региондордун инфраструктуралык түзүмдөрүн, туризмди жакшыртуу.

Тышкы экономика боюнча багытта болсо Жапаров эркиндиктин төрт баскычын камсыз кыла тургандыгын убадалады.

  1. Товарлардын эркин жүрүүсү
  2. Элдин эркин жүрүүсү
  3. Капиталдын эркин жүрүүсү
  4. Технологиялардын эркин жүрүүсү.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.91
EUR 99.39
RUB 1.20
KZT 0.200

Конвертер валют