«Кыргызкөмүр»: Түштүк жергесинде көмүрдүн тоннасы 7-8 миң сомго чыгып жатат

«Кыргызкөмүр»: Түштүк жергесинде көмүрдүн тоннасы 7-8 миң сомго чыгып жатат

Түштүк жергесинде көмүрдүн тоннасы 7-8 миңге чыгып жатат, анткени ал жакта көмүрдүн казылышы кымбат. Монополияга каршы жөнгө салуу агенттигине бааны кармоо боюнча тапшырма берилет болуш керек. Бул тууралуу «Кыргызкөмүр» МИнын директорунун орун басары Надырбек Бекжанов Биринчи Радионун түз эфиринде билдирди.

Анын айтымында, бул жылда эле кайталанчу көрүнүш. Болгону бул жылы Кара-Кечедеги жаанчыл аба ырайы, Кытайдан жабдуулардын өз мезгилинде келбей жана ачкан көмүр кесектери майда чыгып калышы быйыл бираз тоскоолдуктарды жараткан.

«Көмүр чыккан жеринен 1330 сомдон кое берилип атат. Андан кийинки бааны биз жөнгө сала албайбыз. Монополияга каршы жөнгө салуу агенттигине бааны кармоо боюнча тапшырма берилет болуш керек. Күйүүчү майдын кымбатташы биздин жумуштарга тоскоолдуктарды жаратты. Жабдуулардын баары Кытайдан келет, чек аралар жабылып, бузулган техникалар менен айлап туруп калдык. Анан калса, биз жер астындагы көмүрдүн кандай экенин аныктай албайбыз, эки жолу ачкан жерибиз майда чыгып калды», – деп түшүндүрдү ал өлкөдөгү көмүр маселесин.

Андан тышкары: «Көмүр жүктөө иштери 3-сентябрда эле башталган. 1-октябрдан баштап дагы жүктөп жиберип жаттык. Учурда күнүгө 3000 тоннадан кем эмес көмүр жүктөлүп жатат», – деп билдирди Бекжанов.

Эскерте кетсек, күз-кыш мезгилинде КР 3 млн тонна көмүр жагат, бирок учурда «Кыргызкөмүр» ишканасы 200 миң тонна гана берүүгө даяр. Бул тууралуу «Кыргызкөмүр» мамлекеттик ишканасынын директору Мирлан Жакыпов «Биринчи Радиодогу» мегинде билдирген болчу.

Ал эми 2021-жылдын 7-октябрында өткөн жылдын октябрына салыштырмалуу көмүрдүн орточо керектөө баасы республика боюнча орточо эсеп менен алганда бир тонна үчүн  715 сомго же 16%га өскөнүн Улутстатком маалымдады.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 99.40
RUB 1.22
KZT 0.210

Конвертер валют