Күз-кышка даярдыкты августта караш керек болчу, күздүн ортосунда эмес – Момбеков

Күз-кышка даярдыкты августта караш керек болчу, күздүн ортосунда эмес – Момбеков

Бүгүн, 7-октябрдагы Жогорку Кеңештин жыйынында депутат Рыскелди Момбеков электр энергиясы боюнча маселени көтөрдү. Анын пикиринде күз-кыш мезгилдерине даярдыкты жай айларында эле караш керек болчу.

«Өкмөт күз-кышка даярдык боюнча маселени эмки жумада комитетке киргизет, аркы жумада палатада карайбыз деп жатат. Алардын даярдыгын августта карашыбыз керек болчу, бүгүн болсо чабалдыгын карашыбыз керек эле. Болот деген суу болгон жок, Токтогул толгон жок, топ базада көмүр жок. Эки күн суук болду, даярдык кандай экени билинип калды. Светти өчүрүп башташты, бүгүн, 7-октябрда Чүйдүн жарымында свет жок. Ремонтко байланыштуу өчүрүлдү дейт, ремонт дегенди жайда жасайт да, күздө кыш түшкөндө кылабы? Жөн гана өздөрү айткандай имитация кылып жатышат. Мен түшүнбөй койдум, Энергетика министрлигин, бири айтат, кышында свет өчпөйт дейт, бири айтат, ондон кийин өчүрүш керек деп. Кайрадан өзү чыгарган буйругун өзү жок кылды. Кечээ министр Тажикстандан бир күндө 1 млн кВт/с электр энергиясын импорт кылып алып жатканыбызды айтты, тажик тарап болсо, энергия саткан жокпуз деди. Жоопкерчиликсиз мамиле кылып жатышат», – деди депутат.

Андан тышкары, Момбеков өкмөт кышка даярдык көрбөй эле кадр алмаштыруу маселеси менен алек болгонун айтты.

«Бүтүндөй жетекчилердин баарын алмаштырышты. Бүгүн болсо анын запкысын эл тартып жатат. Көмүр жок, свет жок, свет жок болсо суу да жок болот. Көмүр таппай элдин баары көчөдө калбадыбы. Өкмөттүн чабалдыгын карап, Энергетика тармагындагы эрксиз адамдардын баарын кызматтан кетириш керек. Токтом токуп, президентке сунушташ керек», – деди ал.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 99.40
RUB 1.22
KZT 0.210

Конвертер валют