Венгриянын элчилигинде кыргызстандыктарга Шенген визасы бериле баштайт

Венгриянын элчилигинде кыргызстандыктарга Шенген визасы бериле баштайт

Венгриянын элчилиги октябрь айынан тарта кыргызстандыктар үчүн Венгрияга жана Евробиримдиктин башка өлкөлөрүнө Шенген визасын бере баштайт. Мындай макулдашуу Кыргыз-Венгрия стратегиялык кеңешинин биринчи жыйынында жетишилди.

КРнын ТИМден билдиришкендей, макулдашуу 2021-жылдын 4-октябрында Будапешт шаарында Кыргыз-Венгрия Стратегиялык Кеңешинин 1-жыйында жетишилген. Кыргыз тараптан делегацияны КРнын тышкы иштер министри Руслан Казакбаев, ал эми Венгрия тараптан Венгриянын тышкы экономикалык байланыштар жана тышкы иштер министри Петер Сийярто жетектеген.

Жолугушуунун жүрүшүндө Казакбаев венгер тарапка КРнын Венгриядагы Элчилигинин түзүлүшүнө көмөк көрсөткөндүгү жана 28-ноябрда Кыргызстанда өтө турган парламенттик шайлоого карата КРнын Венгриядагы Элчилигинде шайлоо участогун ачууга жардам берип жаткандыгына ыраазычылыгын билдирди.

Стратегиялык кеңешинин жыйынынын жүрүшүндө, КР менен Венгриянын тышкы иштер министрлери штаб-квартирасы Бишкек шаарында жайгашкан Венгрия-Кыргыз өнүктүрүү фонду иштеп баштагандыгы жана фонддун уставдык капиталы 50 млн АКШ долларга чейин акырындык менен толукталып баштагандыгы жөнүндө расмий жарыялашты.

Жолугушуунун жүрүшүндө жакын арада Будапешт-Бишкек түз аба каттамын ачуу маселесине өзгөчө көңүл бурулду.

Кыргызстан менен Венгриянын тышкы иштер министрлери ошондой эле кыргыз студенттери үчүн Венгриянын жогорку окуу жайларында окуу үчүн каралган квоталардын санын 200 орунга чейин көбөйтүү жөнүндө макулдашышты.

Ошондой эле КР менен Венгриянын тышкы иштер министрлери Венгриянын КРгы Элчилиги үстүбүздөгү жылдын октябрынан баштап КР жарандарына Венгрияга жана Европа Биримдигинин башка бир катар өлкөлөүнө шенген визасын бере тургандыгы жөнүндө макулдашты, бул КР жарандары үчүн виза алуу процессин кыйла жеңилдетет.

Жолугушуунун жыйынтыгы боюнча төмөнкү документтерге кол коюлду:

  1. КРнын Министрлер Кабинети менен Венгриянын Өкмөтүнүн ортосунда Stipendium Hungaricum  программасы боюнча макулдашууга
  2. КРнын Билим берүү жана илим министрлиги менен Венгриянын Тышкы экономикалык байланыштар жана Тышкы иштер министрлигинин ортосундагы Stipendium Hungaricum программасынын алкагында 2022-2024-жылдарга карата өз ара түшүнүшүү жөнүндө меморандум
  3. КР Тышкы иштер министрлиги менен Венгриянын Тышкы экономикалык байланыштар жана тышкы иштер министрлигинин ортосунда Кыргыз-Венгрия Стратегиялык Кеңеш түзүү жөнүндө меморандумуна.
  4. КРнын Тышкы иштер министрлигинин Дипломатиялык академиясы менен Корвинус университетинин ортосунда өз ара түшүнүшүү жөнүндө меморандумга
  5. КРнын Венгриядагы элчилигинин жайгашуусу үчүн кыргыз тараптын пайдалануусу үчүн жай берүү жөнүндө келишимге.

 

Поделиться в соцсетях:

Акыркы жаңылыктар

Лукашенко Бакиевдерден 1.6 млн доллар пара алган – BYPOL 5 декабря 2021 г.    15:36
6-10-декабрда Бишкектин кээ бир райондорунда жылуулук менен ысык суу убактылуу өчүрүлөт 4 декабря 2021 г.    21:57
Министрлер Кабинети электромобилдердин үлүшүн кескин жогорулатуу үчүн шарттарды түзүүгө умтулууда 4 декабря 2021 г.    20:52
Президент жергиликтүү сотторго бир катар судьяларды дайындады 4 декабря 2021 г.    20:28
Кыргызстанда экономиканын өсүшү бир аз да болсо байкалууда 3 декабря 2021 г.    17:55
Түркиялык инвесторлор Кара-Балта шаарында 1000 жумуш орундуу текстиль фабрикасын ачышат 3 декабря 2021 г.    17:35
Кыргызстан 6 айда Казакстанга дээрлик 7 миң тонна сүт азыктарын экспорттогон 3 декабря 2021 г.    16:16
Кыргызстан Евразия турукташтыруу жана өнүктүрүү фондунан 100 млн доллар насыя албай калды 3 декабря 2021 г.    15:27
Бардык жаңылыктар
НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 96.80
RUB 1.16
KZT 0.210

Конвертер валют