Жерүй кенинен КРнын мамлекеттик бюджетине 3 млрд сомдон ашык түштү жана 1100 адам жумуш менен камсыз болду

Жерүй кенинен КРнын мамлекеттик бюджетине 3 млрд сомдон ашык түштү жана 1100 адам жумуш менен камсыз болду

Жерүй кенинин эсебинен Кыргызстандын мамлекеттик бюджетинин кирешеси 3 млрд сомдон ашык каражатка көбөйдү. «Альянс Алтын» компаниясы өндүрүштүн көлөмүн көбөйтүүдө жана ар кандай бюджеттерге, фонддорго салыктарды жана башка төлөмдөрдү төлөөнү улантууда. Кенде жалдама мекемелерди эске алганда, жумуш менен камсыз болгондордун жалпы саны 1 100 адамга жетти.

9-сентябрга карата «Альянс Алтын» ЖЧКсы республикалык жана жергиликтүү бюджетке 3 млрд 78 млн 634 миң сом өлчөмүндө салык төлөмдөрүн төлөдү жана анын ичинде алтынды сатуудан түшкөн киреше 1 млрд 177 млн 173 миң сомду түздү.

Мыйзамга ылайык, «Альянс Алтынтын» милдеттенмелеринин алкагында «Кирешенин 2% өлчөмүндө жергиликтүү инфраструктураны өнүктүрүү жана кармоо үчүн» деп аталган берене боюнча, 9-сентябрга карата компания жергиликтүү бюджетке 122 млн 262 миң сом берди. Төлөмдөр төмөнкү фонддорго жүргүзүлгөн:

  • Талас облусунун өнүктүрүү фондуна (50%) — 61 131 231 сом
  • Талас облусунун өнүктүрүү фондуна (30%) — 36 678 738 сом
  • Бекмолдо айылдык Кеңешинин өнүктүрүү фондуна (20%) — 24 452 492 сом  

Окутуу жана жумуш менен камсыз кылуу

Бүгүнкү күндө «Альянс Алтын» ЖЧКсында жалпысынан 590 кызматкер эмгектенет, алардын басымдуу көпчүлүгү жергиликтүү тургундар.

Кенде Талас облусунан келген 345 адам иштейт, бул жалпы кызматкерлердин 60%ын түзөт. Анын ичинен Бекмолдо айыл өкмөтүнөн 138 адам (Талас районунун эмгекчилеринин жалпы санынын 23%ы) эмгектенет.

Кыргызстандын башка региондорунан келген кызматкерлердин саны 173 адамга жетет (29%) жана Бишкектен келген 72 жумушчу (же жалпы санынын 12%) иштейт.

Кенде жалдама мекемелердин кызматын эске алганда, жумуш менен камсыз болгондордун жалпы саны 1 100 адамга жетти.

Баса белгилей кетчү нерсе, «Альянс Алтын» жергиликтүү тургундардын андан ары кенде иштөөсү үчүн аларды окутууга каражат бөлүүсүн улантмакчы. Айта кетсек, быйыл Талас районунун 361 тургуну, анын ичинен Бекмолдо айыл өкмөтүнөн 120 адам окуудан өтүштү.

Тандоо комиссиясынын ишинин жыйынтыгы боюнча 9-сентябрга карата окугандардын  арасынан 183 адам (алардын 59 Бекмолдо айылдык кеңешинен) «Альянс Алтын» компаниясына жумушка орношту.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.91
EUR 99.39
RUB 1.20
KZT 0.200

Конвертер валют