Экономика министрлиги дыйкандарга жогорку түшүмдүү үрөндөрдү сатып алууга кредит берет

Экономика министрлиги дыйкандарга жогорку түшүмдүү үрөндөрдү сатып алууга кредит берет

Экономика министрлиги дыйкандарга жогорку түшүмдүү күздүк буудайдын үрөнүн сатып алууга насыя берет. Бул тууралуу ведомствонун басма сөз кызматы билдирди.

Министрлик Өзбекстан менен күздүк буудайдын «Аср» жана «Давр» сортторунун 1000 тонна жогорку түшүмдүү үрөн берүү боюнча келишим түзүлгөнүн белгиледи. Бул тууралуу мурдараак Айыл, суу чарба жана аймактарды өнүктүрүү министри Аскарбек Жаныбеков да айткан болчу.

Президенттин аймактардагы ыйгарым укуктуу өкүлдөрү жергиликтүү мамлекеттик администрациялар жана жергиликтүү өз алдынча башкаруу органдары менен биргеликте, үрөнчүлүк чарбаларынан жана айыл чарба өндүрүүчүлөрүнөн күздүк буудайдын үрөнүнө арыздарды кабыл алууну уюштурушту. Буга байланыштуу Айыл чарба министрлигинин белгилүү бир квотасына ылайык, Экономика министрлиги дыйкандар менен кредиттик келишимдерди жана күрөө келишимдерин түзүүнү пландап жатат.

Шарттары:

  • Чарбалык субъекттин төлөөгө жөндөмдүүлүгү болушу шарт жана мурда берилген бюджеттик ссудалар боюнча, салык мыйзамдары менен бюджетке төлөнүүчү мөөнөтү өткөн карыздары жок болушу керек
  • Пайыздык чен жылдык 2%ды түзөт
  • Кечиккен төлөмдөр үчүн айып жылдык 4% өлчөмүндө белгиленген
  • Региондордогу өрөөн чарбалары үчүн бюджеттик ссуданы төлөө мөөнөтү 2022-жылдын 1-сентябрына чейин, тоолуу аймактарда – 2022-жылдын 15-сентябрына чейин.

«Өзбекстандан келген 500 тонна үрөн 35 сом менен берилди. Дыйкандарга кийинки жылы кайтаруу шарты менен учурдагы базар баасынан төмөн берилип жатат. Дагы Казакстан 1000 тонна жүктөлүп жатат, жакында келет», – деген болчу министр.  

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.91
EUR 99.39
RUB 1.20
KZT 0.200

Конвертер валют