Казакстанга суу 1983-жылдагы келишим боюнча берилип келет – суу тартыштыгы

Казакстанга суу 1983-жылдагы келишим боюнча берилип келет – суу тартыштыгы

Казакстанга суу 1983-жылдагы келишим боюнча берилип келет. Азыркы базар экономикасында бул туура эмес. Мындай пикирин ЖКнын депутаты Кенжебек Бокоев «Парламент» радиосуна курган маегинде билдирди.

Анын айтымында, Казакстанга суу 1983-жылдагы келишим боюнча берилип келет. «Коңшуларга мурдагы беребиз деген көлөмдү бере албайбыз деп айтыш керек болчу. Министрлер кабинетинин төрагасы Улукбек Марипов 1983-жылдагы келишим менен берип келебиз деди. Эгемендүү болгондон кийин эки өлкө ортосунда келишим түзүлө элек, биз Союз убагындагы келишимди аткарбашыбыз керек. Сууну сатууну базар экономикасына алып чыгышыбыз керек. Быйыл баарыбыз көргөндөй, дыйкандардын нааразычылыгы пайда болду. Суунун жетишсиздигинен буудай комбайнга илешпей калды. Мыйзамда суу товар деп жазылган, бирок ошону товар катары сатууга саясий эрк керек», – деди депутат.

Ал билдиргендей, быйылкыдай суу тартыштыгы болгон эмес. Киров жана Орто – Токой суу сактагычтарындагы суулардын көлөмү август айында, же сугат маалы аяктай электе эле төмөнкү чекке түшүп кеткен. Эң биринчи жергиликтүү калктын муктаждыгын жаап, анан андан ашса гана экспорт маселесин ойлонуу керек. Ошондой эле депутат кургакчылыкка чыдамдуу үрөндөрдү алып келиш керектигин, суугаруунун жаңы ыкмаларына өтүү зарылдыгын белгилеп кетти.  

Эскерте кетсек, 2021-жылы өткөн жылга салыштырмалуу дан эгиндери 35%га аз жыйналды, тагыраак айтканда, бул 280 миң тоннага аз. Мындай маалыматты Айыл, суу чарба жана аймактарды өнүктүрүү министри Аскарбек Жаныбеков Биринчи Радиого берген маегинде айтты. Анын берген маалыматына таянсак, быйыл 473 гектар жерге кылкандуу дан эгиндери себилген.

Быйыл жайында аномалдуу жогору температуранын жана вегетация мезгилинде сугат суунун жетишсиздигинин кесепетинен буудайдын дүң жыйымы – 41.4%га, арпа – 57.9%га, мөмө-жемиш өсүмдүктөрү – 31.2%га, картошка – 6.3%га жана бакча өсүмдүктөрү –  3.5%га кыскарган.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.91
EUR 99.39
RUB 1.20
KZT 0.200

Конвертер валют