Кумтөр: «Центерра» эмгек мамилелери жаатындагы эл аралык принциптерди бузду

Кумтөр: «Центерра» эмгек мамилелери жаатындагы эл аралык принциптерди бузду

«Кумтөр» ишканасы «Центерраны» адам укуктарына байланышкан эмгек мамилелери боюнча принциптерди бузду деп айыптоодо. Бул тууралуу бүгүн ишкананын сайтында билдирүү жарыяланды.

Май айынын башында «Центерра» Канададан «Кумтөрдүн» маалымат базаларын жана  системаларын жаап салган. Бардык техникалык жана каржылык документтер гана эмес, кызматкерлердин жеке маалыматтары да бекилип калган. Кадрлар бөлүмүндөгү кызматкерлердин паспорттук маалыматтары, эмгек өргүүлөрү жана жумуш графиктери, табелдери сыяктуу көптөгөн маалыматтар камтылган система да жабылып калган. Азыркыга чейин бул маалыматтарды толук калыбына келтирүүгө мүмкүн болбой жатат.

«Бул жеке маалыматтарга «Центерранын» дагы деле кирүүгө мүмкүнчүлүгү бар. Канадалыктар бул маалыматтарды кандай максатта колдонушу мүмкүн экенин айтуу кыйын. «Кумтөр» бул боюнча «Центеррага» бир нече ирет суроо-талап жөнөткөнүнө карабастан, алар бул фактыны моюнга алуудан баш тартууда», – деп айтылат билдирүүдө.

Берилген маалыматка ылайык, «Центерра» биздин өлкөнүн улуттук мыйзамдарын гана эмес, өздөрү да бир нече жолу айткан эмгек мамилелери жаатындагы эл аралык принциптерди бузушкан.

Ошондой эле, КРнын «Жеке маалыматтар жөнүндөгү» мыйзамына ылайык, кызматкерлердин документтеринин эсебин жүргүзүү системасына бир тараптуу  бөгөт коюу – «Центерранын»  «Кумтөрдүн» кызматкерлеринин, КРнын жарандарынын алдындагы эмгек милдеттенмелерин бузуу жана жеке маалыматтарын ачыкка чыгаруу болуп саналат. Бул жерде 4200дөн ашуун адам тууралуу сөз болууда деп айтылат жарыяда.

Поделиться в социальных сетях:

Последние новости

ЕАЭБ өлкөлөрүнүн ичинен Бишкекте ак майдын баасы эң арзан 21 сентября 2021 г.    17:23
Бүгүн Токтогулда суунун көлөмү – 12 млрд 211 млн куб метр 21 сентября 2021 г.    14:51
USAID COVID-19 илдетине каршы күрөшүү максатында КРга 100 миң долларлык жардам көрсөттү 21 сентября 2021 г.    14:35
Экономика министрлиги дыйкандарга жогорку түшүмдүү үрөндөрдү сатып алууга кредит берет 21 сентября 2021 г.    14:01
Банктар кардардын жеке маалыматын соттун чечими менен гана беребиз дешүүдө – Бекболот Алиев 21 сентября 2021 г.    12:37
«Акысыз адвокат» телекөрсөтүүсү аркылуу юридикалык жардам алсаңыз болот 21 сентября 2021 г.    10:52
«Кумтөр» жабдууларды жана тетиктерди албайт – Нью-Йорктун соту «Центерранын» өтүнүчүн колдоду 21 сентября 2021 г.    10:39
Дүйнөлүк банк Кыргызстанга санариптештирүүгө 50 млн доллар кайра бере турган болду 20 сентября 2021 г.    17:48
Все новости
НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 100.29
RUB 1.17
KZT 0.200

Конвертер валют