«Манас» аэропорту тарыхында рекорддук киреше алды

«Манас» аэропорту тарыхында рекорддук киреше алды

«МЭА» ААКнын 2021-жылдын 6 айындагы финансылык көрсөткүчү компаниянын тарыхындагы эң ийгиликтүү эсептелген 2019-жылкы көрсөткүчтү ашып түштү. Бул жылдын кирешеси – 3 млрд 191 млн 666 миң сомду түздү. Бул тууралуу аэропорттун маалымат кызматы кабарлады.

«Манас» ААКсы 2021-жылдын I жарым жылдыгында 1 млрд 657 млн 936 миң сом өлчөмүндө киреше тапты. Бул «МЭА» ААКнын тарыхында  ийгиликтүү эсептелген 2019-жылдын жыйынтыгынан 606 млн 609 миң сомго ашты. 

2019-жылы 6 ай ичиндеги киреше – 2 млрд 384 млн 630 миң сомду, 2020-жылы – 1 млрд 720 млн 332 миң, ал эми бул жылдын кирешеси – 3 млрд 191 млн 666 миң сомду түзгөн.

Жалпы киреше 3 млрд 191 млн 666 миң сомду, анын ичинде авиациялык ишмердүүлүктөн киреше 2 млрд 881 млн 295 миң сомду түздү. 2019-жылга салыштырмалуу киреше жалпысынан 34% көбөйгөн.

«Биз каттамдардын санын көбөйтүп тим болбостон, буга чейин Кыргызстанга учпаган жаңы авиакомпанияларды тарттык. Буга чейин авиаташуу жүргүзүлбөгөн жаңы өлкөлөргө жана шаарларга каттамдар ачыла баштады», – деди «МЭА» ААК Башкармалыгынын төрагасы Бакыт Шаршеев.

Ошондой эле Орусия багыты боюнча, бүгүнкү күндө бардык, анын ичинде миллиондогон эл жашаган чоң шаарлар – Москва, Санкт-Петербург, Новосибирск, Пермь, Калуга, Оренбург, Самара, Казань, Нижний-Новгород, Кемерово, Минеральные воды, Тюмень жана башка шаарларга аба каттамдар аткарылууда.

Түркстанга (Казакстан) жаңы каттам ачылса, Шарджа, Кувейт жана Мешхедге (Иран) көптөн берки тыныгуудан кийин кайтадан учуулар жанданды.   

Жаңы авиакомпаниялар  «Северный ветер» жана «Россия» «МЭА» ААК менен кызматташып, Орусиянын чоң шаарларына түз каттамдарды камсыздашууда, ошондой эле казакстандык лоукостер «ФлайАрыстан» да жаңы компаниялардын санын толуктады.  

Ошондой эле компания республика ичинде авиакаттамдардын санын көбөйттү. Мисалы, «Баткен» жана «Исфана» аэропортторуна жумасына 3 ирет каттамдар жүргүзүлүүдө, ошону менен жүргүнчүлөрүбүз өлкөнүн алыскы аймактарынан борборго 1 саатта жетүүгө мүмкүнчүлүгү бар экендигин аэропорттун маалымат кызматы кошумчалап өттү.

Поделиться в социальных сетях:

Последние новости

Швейцария медкызматкерлердин кесипкөйлүгүн жогорулатууга КРга 220 млн сом бөлөт 24 сентября 2021 г.    11:00
2020-жылы пенсионерлердин төмөнкү жашоо минимуму 4785 сомду түзгөн 24 сентября 2021 г.    10:53
АӨБ КРга экономиканы колдоого 11 млн доллар грант берет 24 сентября 2021 г.    10:39
Кумтөр эмне үчүн «Кыргызалтын» ишенимдүү жеткирүүчүлөрдүн тизмесинен чыгарылганына түшүндүрмө берди 24 сентября 2021 г.    10:21
ЕАЭБге мүчө мамлекеттердин улуттук банктарынын 22-отуруму өттү (сүрөт) 23 сентября 2021 г.    16:49
Депутаттар Улуттук банкты көз карандысыздыгынан ажыратууну көздөшүүдө 23 сентября 2021 г.    16:20
Жерүй кенинен КРнын мамлекеттик бюджетине 3 млрд сомдон ашык түштү жана 590 адам жумуш менен камсыз болду 23 сентября 2021 г.    14:35
«Кыргыз темир жолу» 2022-жылдын аягына чейин 100 жүк вагонун сатып алат 23 сентября 2021 г.    12:51
Все новости
НБ КР
USD 84.61
EUR 102.12
RUB 1.14
KZT 0.201
Моссовет
USD 84.91
EUR 100.30
RUB 1.18
KZT 0.200

Конвертер валют