ОКӨФ Ысык-Көлдө жаңы ачылган канаттуулар фабрикасына 3.5 млн. доллар инвестиция салды

ОКӨФ Ысык-Көлдө жаңы ачылган канаттуулар фабрикасына 3.5 млн. доллар инвестиция салды

Ысык-Көлдө жаңы ачылган «АГРО КУШ» ЖЧКсына Орус-кыргыз өнүктүрүү фондунан келген инвестициялардын жалпы көлөмү 3.5 млн долларды түздү. Мындай маалыматты фонддун маалымат кызматы билдирди.

Эскерте кетсек, кечээ, 21-июлда Ысык-Көлдө «АГРО КУШ» канаттуулар фабрикасынын ачылышы болуп өткөн жана аталган фабрика адал стандарттарына ылайык, эттүү тукумдагы бройлер тоокторун көбөйтүүгө жана багууга, андан кийин союуга, кайра иштетүүгө адистешкен.

Долбоор КРда канаттуулар эти менен импорттун ордун алмаштырууну камсыз кылууга багытталган. Өнөр жай комплекси жылына 7900 тонна канаттуулардын этин өндүрүүгө мүмкүндүк берет. Келечекте, долбоор республиканын импортко болгон муктаждыгынын 50%га чейин жабууга ниеттенүүдө, же жылына 22.5 миң тонна канаттуулардын этин өндүрүүнү көздөөдө.

Долбоорду ишке киргизүүнүн натыйжасында, жергиликтүү калктан 250 адам өнөр жай комплексинде жумуш менен камсыз болушкан.

Жергиликтүү өндүрүш пландалган кубаттуулугуна жеткенде, КРдан акча каражаттарынын агып чыгышы болжолдуу 11 млн долларга кыскарат деп билдиришти Фонддон.

Поделиться в соцсетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 96.80
RUB 1.16
KZT 0.210

Конвертер валют