Кыргызстан Нидерладыны айыл чарбага технологияларды киргизүү боюнча тажрыйба алмашууга чакырды

Кыргызстан Нидерладыны  айыл чарбага технологияларды киргизүү боюнча тажрыйба алмашууга чакырды

КРнын тышкы иштер министри Руслан Казакбаев Нидерланддар Королдугунун КРдагы Атайын жана Ыйгарым укуктуу Элчиси Андре Карстенсти кабыл алуу учурунда айыл чарбаларга технологияларды киргизүү багытында тажрыйба алмашууга чакырды. Бул тууралу министрликтин басма сөз кызматы кабарлады.

Министр Казакбаев Элчи Карстенсти дипломатиялык миссиясынын расмий башталышы менен куттуктады жана анын ишмердүүлүгүнө КРнын ТИМи ар тараптуу колдоо көрсөтүүгө даяр экендигин белгиледи.

Казакбаев КР менен Нидерланддар Королдугунун ортосунда айыл чарба жаатында тажрыйба алмашуу демилгесин көтөрдү, анткени азык-түлүк коопсуздугун камсыз кылуу жана Кыргызстандын экспорттук потенциалын жогорулатуу үчүн КР агроөнөр жай комплекси жаатында алдыңкы технологияларды киргизүү боюнча Нидерланддардын практикасына кызыкдар.

Тараптар жашыл энергетика жаатында кызматташтыкты өнүктүрүү курсун да белгилешти. Биргелешкен долбоорлорду ишке ашыруунун артыкчылыктуу багыттарынын бири курчап турган чөйрөнү коргоо жана биологиялык ар түрдүүлүктү сактоо чөйрөсү болуп саналат.

Жолугушуунун жүрүшүндө тараптар билим берүү жаатында да кызматташуу жөнүндө макулдашышты. 2021-жылдын күз айларына эки тараптуу саясий консультациялар пландаштырылган жана Нидерланд тарабы ЕБ-БА Биринчи экономикалык форумуна министр тарабынан чакырылганын министирликтин маалымат кызматы билдирди.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.91
EUR 99.39
RUB 1.20
KZT 0.200

Конвертер валют