Кыргызстандык уюмдар Канаданын премьер-министринен «Центерранын» ишмердүүлүгүн иликтөөнү суранышты

Кыргызстандык уюмдар Канаданын премьер-министринен «Центерранын» ишмердүүлүгүн иликтөөнү суранышты

Кыргызстандагы жана Борбор Азиядагы «КРнын коррупцияга каршы ишкерлер Кеңеши», «Туура кадам», Кыргызстандын Лидерлер Тармагы жана «Жаңы Муун» бейөкмөт уюмдары Канаданын премьер-министри Джастин Трюдодон Centerra Gold Inc. компаниясынын Кумтөрдөгү ишмердүүлүгүн иликтеп берүүнү өтүнүштү.

«Борбор Азиядагы мөңгүлөрдүн жана тоолордун коопсуздугу» кырдаалына байланыштуу аталган уюмдар Канаданын премьер-министрине кат жолдошту. Анда экологиялык мыйзам бузуулар кылымдарды карыткан тоо ландшафттарынын жоголуп кетишине жана Кыргызстандын жана бүтүндөй Борбордук Азиянын калкын ичүүчү таза суу менен камсыз кылган дарыялардын агымынын булганышына алып келгендиги жазылган.

«Кыргызстандын жарандарынын атынан сизден Centerra Gold Inc. компаниясынын, ошондой эле Канаданын жарандары болгон «Центерранын» президенти баш болгон кызматкерлердин коррупциялык иштери боюнча тиешелүү тергөө жүргүзүүнү суранабыз», – деп айтылат катта.

Активисттер өз кайрылуусунда канадалык компания тарабынан мөңгүлөрдүн жылышын көзөмөлдөө системасынын өчүрүлгөндүгүн жана бул  жумушчулардын коопсуздугуна коркунуч туудурарын айтышкан.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 99.21
RUB 1.21
KZT 0.200

Конвертер валют