KOICA Кыргызстанды Кореянын артыкчылыктуу өнөктөш өлкөлөрүнүн тизмесине киргизди

KOICA Кыргызстанды Кореянын артыкчылыктуу өнөктөш өлкөлөрүнүн тизмесине киргизди

Корея Эл аралык кызматташтык Агенттиги (KOICA) Кыргызстанды Кореянын артыкчылыктуу өнөктөш өлкөлөрүнүн тизмесине киргизди. Бул тууралуу аталган организациянын президенти Хёк Санг Сон мырза КРнын Корея Республикасындагы Элчиси Динара Кемелова менен жолугушуу учурунда билдиргенин КРнын Тышкы иштер министрлиги кабарлады.

KOICA президенти ушул жылдын башында Кыргызстан Корея Республикасынын артыкчылыктуу өнөктөш өлкөлөрүнүн тизмесине киргизилгенин маалымдап, долбоорлорду ишке ашырууда көп тармактуу ыкмаларды колдонуу керектигин баса белгиледи.

Элчи Динара Кемелова айылдарды жана аймактарды, айыл чарбасын, билим берүүнү, санариптештирүүнү, өрт коопсуздугун жана башка маанилүү социалдык-экономикалык тармактарды өнүктүрүүгө багытталган жардамы үчүн ыраазычылыгын билдирип, Кыргызстандын автоматташтырылган шайлоо тутумун өркүндөтүүгө, ирригациялык инфраструктураны жакшыртууга жана элди таза суу менен камсыз кылууга көмөк көрсөтүүнү суранды.

Маектешүүчүлөр адамдык ресурстардын жана инфраструктуранын потенциалын жогорулатуу боюнча пикир алмашып, COVID-19 пандемиясы жайылуу шартында саламаттыкты сактоо, маалыматтык технология, билим берүү жана адистерди даярдоо боюнча долбоорлорду ишке ашыруунун маанилүүлүгүн белгилешти.

Жолугушуунун жыйынтыгында тараптар сүйлөшүүлөрдү жана кызматташтыкты улантууга макулдашышты.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.81
EUR 101.23
RUB 1.17
KZT 0.200

Конвертер валют