Чүй облусунун башчысы депутаттарды өз чөнтөгүнөн каражат бөлүп, сугат маселесин чечүүгө чакырды

Чүй облусунун башчысы депутаттарды өз чөнтөгүнөн каражат бөлүп, сугат маселесин чечүүгө чакырды

Өкмөттүн Чүй облусундагы ыйгарым укуктуу өкүлү Эркин Тентишевдин айтымында, акыркы 30 жылда сугат системасы талкаланган. Анын берген маалыматына ылайык, бир суу кудугун калыбына келтирүү үчүн 115 миң сомдон 150 миң сомго чейин каражат талап кылынат. Ал өз каражатынан бир канча суу арыгын калыбына келтирген жана депутаттарды да бул ишке салым кошууга чакырды.

«Бул кырдаалдын алдын алуу үчүн бул ишти бир топ жыл мурда баштоо керек болчу. Буга чейин бардык кудуктар менен таза сууларды колхоздор башкарып келген. Азыр алар ээсиз калышты. Ошондуктан бардыгы талкаланып, кургап жатат», – деди Эркин Тентишев 17-июнда парламентте сүйлөгөн сөзүндө.

Ошондой эле, облус башчысы бир суу кудугун калыбына келтирүү үчүн 115 миң сомдон 150 миң сомго чейин каражат талап кылынарын айтты.

«Менин оюмча, азыр бюджеттен акча алуу өтө кыйын. Ошондуктан мен өз каражатыма бир нече кудуктарды калыбына келтирдим. Улукбек Марипов үч скважинаны калыбына келтирүү үчүн өз чөнтөгүнөн каражат берем деп убада кылды. Сиздери да четте турбай, жумушка аралашып жардам берүүгө чакырам», – деди Эркин Тентишев депутаттарга кайрылып.

Ошондой эле, облус башчысы облустук администрацияда ыкчам штаб иштеп жаткандыгын жана ал жерге күн сайын адамдар кайрылып турарын белгиледи.

«354 кудук бар. Ал жерге 115 миң сомго насосторду койсок, суу келе баштайт», – деди сөзүн жыйынтыктап жатып.

Эскерте кетсек, Чүй облусунун дыйкандары Ысык-Ата райондук администрациясынын имаратынын алдына митингге чыгып, сугат маселесин чечип берүү талабын көтөрүшкөн. Алардын айтымында, эгин талааларын сугаруу үчүн суу келе элек. Убагында суу берилбесе, эгин куурап калышы ыктымал.

Белгилей кетсек, кургакчылыкка байланыштуу Чүй облусунун дарыяларында суу нормадагыдан 2.5 эсе аз болууда.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 99.20
RUB 1.21
KZT 0.200

Конвертер валют