Бишкек мэриясы электр автобустарды сатып алуу үчүн АӨБдүн кредитинен баш тарткан эмес

Бишкек мэриясы электр автобустарды сатып алуу үчүн АӨБдүн кредитинен баш тарткан эмес

Бишкек шаарынын мэриясы электр автобустарын сатып алуу үчүн Азия Өнүктүрүү Банкынан (АӨБ) кредит алуу боюнча сүйлөшүүлөрдү улантууда. Экономика министрлигинин буга чейин жарыялаган сүйлөшүүлөр токтотулгандыгы тууралуу билдирүүсү чындыкка дал келбейт. Бул тууралуу 14-июнда борбор калаанын муниципалитетинин басма сөз кызматы билдирди.

Мэриянын маалыматына ылайык, электробустарды алуу «Шаардык транспортторун электрлештирүү» долбоорунун алкагында жүрүүдө.

«Учурда Бишкек шаарынын мэриясы АӨБдүн жетекчилиги менен сүйлөшүүлөрдү жүргүзүп жатат. Иштер борбор калаанын транспорт боюнча вице-мэри Русланбек Акылбековдун келиши менен жанданды. Атап айтканда, АӨБдүн эсебинен электр автобустарын жана электр унааларын алуу, ошондой эле «Муниципалдык Эко Такси» кызматын түзүү боюнча да сүйлөшүүлөр жүрүп жатат», – деп билдирет мэриянын маалымат кызматы.

Бишкек шаарынын мэриясы бул багыттагы  жүргүзүп жаткан иштери жана банк менен болгон сүйлөшүүлөрдүн жыйынтыгы боюнча толук маалымат берип турмакчы.

Эске салсак, 11-июнда Экономика министрлигинин басма сөз кызматы «2020-жылдын сентябрь айынын аягында АӨБ тарабынан уюштурулган видеоконференциянын жүрүшүндө, Бишкек шаарынын мэриясынын өкүлдөрү АӨБ менен «Шаардык транспортту электрлештирүү»  долбоору боюнча мындан ары кызматташуудан баш тартуу боюнча өз позицияларын билдиришкендиги тууралуу маалымат беришкен болчу.  

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 99.20
RUB 1.21
KZT 0.200

Конвертер валют