Жаңы Кылмыш кодексине ылайык, экономикалык кылмыштарды криминалдаштыруу 23%га өсөт

Жаңы Кылмыш кодексине ылайык, экономикалык кылмыштарды криминалдаштыруу 23%га өсөт

Кылмыш-жаза кодексинин жаңы редакциясында экономикалык кылмыштарды криминалдаштыруу 23% га көбөйтүлдү. Бул тууралуу кодекстердин долбоорлорун талдоонун жыйынтыгында Бизнес Акыйкатчы институтунун өкүлдөрү билдиргенин уюмдун басма сөз кызматы маалымдайт.

2017-жылдын Кылмыш-жаза кодексинде экономикалык кылмыштардын 22 түрү камтылса, сунушталып жаткан КРнын Кылмыш-жаза кодексинин долбоорунда экономикалык кылмыштардын 5 кошумча түрү жана айрым экономикалык кылмыштар боюнча чектелген 2 курамы камтылган.

Адистердин пикиринде, бул учурдагы кылмыштардын жалпы криминалдашуусунун 23% га көбөйүшүнө жана 9% жарым-жартылай криминалдашуусуна алып келет.

Мындан тышкары, кодекстин сунуш кылынган редакциясында экономикалык кылмыштарды жасагандыгы үчүн жазаларды белгилөөдө бирдиктүү түшүнүк жок – экономикалык кылмыштарды жасагандыгы үчүн айыптардын дээрлик бардыгы тиешелүү талдоосуз жана себептери далилденбестен кыскарган, ошондой эле айрым экономикалык кылмыштар үчүн эркинен ажыратуу мөөнөтү берилген кылмыштар дагы кыскарган (прокуратура органдары менен бизнес коомчулугунун жолугушуусунан кийин) жана кээ бирлерине болсо катаалдаштырылган.

Бизнес Акыйкатчысы Робин Орд-Смит президенттин жарлыктарында буга чейин көрсөтүлгөн экономикалык кылмыштарды жана тартип бузууларды – бизнес жана экономика үчүн криминалдаштыруунун маанилүүлүгүн белгиледи. Ошондой эле, ал бардык кызыкдар тараптардын ой-пикирлерин камтыган кайра иштелип чыккан долбоорлорду кылдат жана көп тараптуу талкуулоонун зарылдыгы турганын айтты.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 99.40
RUB 1.20
KZT 0.200

Конвертер валют