Кыргызстан Түркияга Кытай рынокторуна эркин чыгуу үчүн «терезе» болуп берүүгө даяр – президент

Кыргызстан Түркияга Кытай рынокторуна эркин чыгуу үчүн «терезе» болуп берүүгө даяр  –  президент

Садыр Жапаров бүгүн, 10-июнда, Анкара шаарында Түркиянын Соода палаталары жана товардык биржалары бирлигинде бизнес коомчулуктун алдында сүйлөгөн сөзүндө Кыргызстан Түркияга инвестициялык потенциалы чоң — ЕврАзЭС өлкөлөрүнө, Кытай рынокторуна эркин чыгуу үчүн «терезе» болуп берүүгө даяр экендигин баса белгиледи. Бул тууралуу президенттин маалымат кызматы билдирди.

«Экономикалык кызматташууну кеңейтүүнү биздин ишибиздин башкы артыкчылыгы катары карайм. Кыргызстанда түрк инвесторлору көп, биз алар үчүн ар дайым ачыкпыз жана жаңы ишкерлерди кабыл алууга дайым даярбыз. Кыргыз тарап ак ниет  инвесторлордун демилгелерин толугу менен колдойбуз жана аларга максималдуу жардам берип келебиз.  Кыргызстандын экономикасын өнүктүрүүгө түрк компанияларынын инвестицияларын, алдыңкы технологияларын жана менеджментин тартууга кызыкдарбыз», — деп белгиледи Садыр Жапаров.

Садыр Жапаров белгилегендей, 2021-жылдын 11-апрелинде жаңы Конституция кабыл алынды. Мында мамлекет тараптан инвесторлорго шарт түзүп берүү жана аларды коргоо боюнча атайын берене камтылган. Андан соң Инвестициялар министрлиги түзүлдү. Жаңы министрлик потенциалдуу инвесторлор үчүн «бирдиктүү терезе» принцибинин алкагында кызмат көрсөтүп, жеңилдиктерди камсыз кылат.

Мамлекет башчысынын айтымында, мындан ары Кыргызстандын министрлери өздөрү инвесторлордун артынан түшөт. Инвесторлор — кайсы гана өлкө болбосун, ал өлкөнүн экономикасы үчүн кыймылдаткыч күч болуп саналат жана муну баары түшүнүп, бул принципти сакташы керек.

Мындан тышкары, Кыргызстан инвестициялык потенциалы чоң — ЕврАзЭС өлкөлөрүнө, Кытай рынокторуна эркин чыгуу үчүн «терезе» болуп берүүгө даяр. Ошондой эле Садыр Жапаров түрк компаниялары биздин өлкөнүн потенциалын пайдаланып, аталган рынокторду эркин өздөштүрө аларына ишенээрин билдирди.  

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.76
EUR 101.27
RUB 1.17
KZT 0.200

Конвертер валют