Эстониялык компания Бишкектеги таштанды полигонун жабуу жана калыбына келтирүү иштерин баштайт

Эстониялык компания Бишкектеги таштанды полигонун жабуу жана калыбына келтирүү иштерин баштайт

Эстониялык Ehitusfirma Rand Ja Tuulberg AS компаниясы Бишкектеги таштанды полигонун жабууну жана калыбына келтирүү иштерин баштайт. 18-майда эмдөөдөн өткөн жумушчулардын биринчи тобу кайтып келишти. Бул тууралуу Бишкек мэриясынын басма сөз кызматы билдирди.

Мындан тышкары, адистердин экинчи тобу эмдөө жана жумушчу визаларын алгандан кийин июнь айынын орто ченинде келиши күтүлүүдө.

Муниципалитеттин маалыматына ылайык,  пандемияга байланыштуу «Бишкек шаарындагы катуу тиричилик таштандыларды башкаруу системасын жакшыртуу» долбоору боюнча бардык жумуштар 14 айга токтотулган жана келишим 17 айга чейин узартылышы күтүлүп жатат.

Мэрия ошондой эле учурдагы катуу таштанды полигонунун аймагынын 3.8 гектарга кеңейишине байланыштуу, долбоордун наркынын көтөрүлүшү күтүлүп жаткандыгын белгиледи. Бул маселе жерди пайдалануу боюнча мамлекеттик актыны алгандан кийин жана рекультивацияны талап кылган кошумча аймактарды эске алуу менен долбоордук документация бекитилгенден кийин, подрядчик жана долбоордун инженери менен талкууланат.

Долбоор аяктагандан кийин, эски таштанды полигону толугу менен калыбына келтирилет, тагыраак айтканда, ал жер 0.5 м чопо катмары менен жабылып, 0.2 м түшүмдүү катмар менен капталып, айыл чарба жерлерине айландырылат. Ошондой эле метан сатуучу жайлар орнотулат.

«Бишкек шаарындагы катуу тиричилик таштандыларды башкаруу системасын жакшыртуу» долбооруна 2013-жылы кол коюлуп, ал 2015-жылы ратификацияланган. Долбоордун жалпы наркы 22 млн еврону түзүп, бул акчанын жарымы грант болсо, экинчиси Европалык Реконструкция жана Өнүктүрүү Банкынан (ЕРӨБ) кредит түрүндө келген.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 99.40
RUB 1.20
KZT 0.200

Конвертер валют