Түрк ишкерлерине Кыргызстанда өнөр жай зонасын ачуу сунушталды

Түрк ишкерлерине Кыргызстанда өнөр жай зонасын ачуу сунушталды

Инвестиция министри Алмамбет Шыкмаматов 7-июнь күнү Анкара шаарында (Түркия) Уюшкан өнөр жай зонасынын (OSTIM) башкармалыгынын төрагасы Орхан Айдин менен жолугушту. Бул тууралуу аталган бөлүмдүн маалымат кызматы билдирди.

OSTIM компаниясынын өкүлдөрү негизинен чакан, орто ишканалардан турган жана Анкаранын алдыңкы өнөр жай зоналарынын бири болгон уюмдун ишмердүүлүгү жөнүндө айтып беришти. Алардын 6200дөн ашуун ишканасы Түркиянын экономикасынын 17 тармагында иш алпарат. OSTIM компаниясынын башкы максаттарынын бири – бул өнүмдөрүн тышкы базарларга чыгаруу болуп саналат.

Шыкмаматов белгилегендей, ишканалардын өнүгүшү – өлкөнүн экономикасынын өсүшүнө түздөн-түз таасир этет, ошондуктан кыргыз тарап OSTIMдин жана башка ийгиликтүү түрк ассоциацияларынын тажрыйбасын үйрөнүүгө жана  Кыргызстанда ишкерликтин ушундай мыкты моделин киргизүүгө кызыкдар.

«Мындан тышкары, биз түрк тарапка КРнын аймагында өнөр жай зонасын батыраак ачуу боюнча сунушубуз бар» – деп кошумчалады ал.

Жолугушуунун жыйынтыгында, эки тарап 10-июнда президент Садыр Жапаровдун Түркияга иш сапарынын алкагында өтө турган кыргыз-түрк бизнес-форумунда Инвестициялар министрлиги менен OSTIM компаниясынын ортосунда өз ара түшүнүшүү жөнүндө меморандумга кол коюуга макулдашышты.

Долбоорду тез арада ишке киргизүү үчүн, түрк делегациясы 2021-жылдын сентябрь айында КРга келиши күтүлүүдө деп кошумчалашты министрликтен.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.91
EUR 99.26
RUB 1.23
KZT 0.200

Конвертер валют