Кытайлык инвесторлор КРнын өнөр жай паркына 20 млн доллар салат

Кытайлык инвесторлор КРнын өнөр жай паркына 20 млн доллар салат

Silk Way өнөр жай паркы кытайлык инвесторлор менен инвестициялык келишим түздү. Башында 20 млн доллар бөлүнөөрү күтүлүүдө, андан кийин жалпы инвестициялар 100 млн долларга чейин өсөөрүн парктын басма сөз кызматы билдирди.

Документке кечээ 7-июнда кол коюлду. Иш-чарага кыргыз-кытай кызматташтыгы Ассоциациясынын төрагасы Чжуншань Ехунцзянь, элчиликтин жана Кытайдын жалпыга маалымдоо каражаттарынын өкүлдөрү, ошондой эле өнөр жай министринин орун басары Бакыт Дегенбаев, Чүй облусунун губернатору, Аламүдүн районунун жергиликтүү өз алдынча башкаруу органдарынын өкүлдөрү катышты.

Эске салсак, Silk Way комплексинин курулушу ушул жылдын март айында, капсула салынгандан үч жылдан кийин башталган. Алгач курулуш 2019-жылдын башына пландалган эле.

  • Буга чейин паркты курууга чогултулган каражаттын 100%ы кыргыз ишкерлеринин инвестициялары деп билдиришкен эле.

Silk Way Өнөр жай Паркы  – Борбор Азия чөлкөмүндөгү биринчи ири жана көп функционалдуу өнөр жай комплекси болмокчу. 70 гектар аянтта соода жана көргөзмө павильондору, кампалар, тигүү фабрикалары, бажы жана логистикалык терминал болот.

Долбоор текстиль жана тигүү өндүрүшүн өнүктүрүү боюнча өкмөттүн программасынын алкагында ишке ашырылууда. Анын иштеп чыгуучусу жана негизги ата мекендик инвестору – Альфа Карго компаниясы, ал Кыргызстандан ЕАЭБ өлкөлөрүнө текстиль жана тигүү буюмдарын экспорттоого адистешкен.

  • Парктын масштабдуу өнүгүүсү үчүн 100 млн долларлык кошумча инвестициялар тартылды. Инвестициялык өнөктөштөр – Лю Ин (Liu Ying) мырза баштаган Кытайдын алдыңкы ишкерлери болмокчу.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 99.50
RUB 1.22
KZT 0.210

Конвертер валют