Centerra Gold «Кумтөр Голд Компани» боюнча Нью-Йорк сотуна кайрылды

Centerra Gold «Кумтөр Голд Компани» боюнча Нью-Йорк сотуна кайрылды

Centerra Gold Inc. «Кумтөр Голд Компани» жана «Кумтөр Оперейтинг Компани» ишканаларынын банкрот болуусун «уюштуруу» демилгесин көтөрдү. Компания АКШнын банкроттуулук жөнүндөгү федералдык кодексинин 11-бөлүмүнүн негизинде Нью-Йорктун Түштүк округу боюнча сотуна кайрылуу жолдошту. Бул тууралуу компаниянын басма сөз кызматы билдирди.

«Бул кошумча чаралар «Центерранын» жана анын кызыкдар тараптарынын кызыкчылыктарын коргоо, туунду компаниялардын наркын 100% сактап калуу жана Кыргыз өкмөтүнүн мындан ары «КГКнын» активдерин бөлүп-жаруу же кенди мыйзамсыз иштетүү аракеттерине жол бербөө максатында иштелип чыккан», – деп билдирди компания.

Сот тарабынан көзөмөлдөнгөн бул жараян, башка нерселер менен катар эле, дүйнө жүзүнүн масштабында «Кумтөр Голд Компани» жана «Кумтөр Оперейтинг Компаниге» каршы бардык доолорду автоматтык түрдө убактылуу токтотуп тура алат.

«Центерра» бул процесс кыргыз өкмөтү менен мүмкүн болгон сүйлөшүүлөрдү жеңилдетет деп үмүттөнөт. Компаниянын маалыматына таянсак, Федералдык кодекстин 11-бөлүмү коюлган доолордун компаниянын башка бизнестерине, анын ичинде Канададагы «Маунт Миллиган» жана Түркиядагы «Оксют» кенине ошондой эле Түндүк Америкадагы молибден бизнесине таасир этпөөсүн камсыздайт.

«Центерранын» президенти Скотт Перринин айтымында, компания бир нече жолу кыргыз өкмөтүн сүйлөшүүгө чакырган.

«Биз кыргыз бийлиги менен конструктивдүү сүйлөшүүгө даяр бойдон калганыбыз менен, биз кенди токтотуу үчүн бийликтин атайылап жасаган аракеттеринен «Центерранын» кызыкчылыктарын коргоо үчүн бардык укуктук жана каржылык каражаттарды колдонууну улантабыз».

«Тактап айтканда, биз «Центеррага», «КГК» жана «КОК» «Кумтөр» кенине ээлик кылуу жана иштетүү укугун берген КР менен узак жылдар бою түзүлгөн келишимдердин сакталышын камсыз кылуу үчүн арбитраждык сот ишин уланта беребиз. Бул келишимдер Нью-Йорктун мыйзамдары менен жөнгө салынат жана АКШнын сот процесстеринде «Центерранын» кызыкчылыктарын кайрадан уюштуруу же башка талаш-тартыштарды чечүү жолу менен коргойт деп күтөбүз» , – деп билдиришет компаниядан.

______________________________________________________________________________

АКШнын Федералдык банкроттук кодексинин 11-бөлүмүнө ылайык, козголгон иш көбүнчө «кайра уюштуруу» банкроту деп аталат. Мындай банкроттун демилгечиси адатта менчик ээси бойдон калат, ыйгарым укуктарга жана милдеттенмелерге ээ болуп, ишкердик ишин уланта алат. Соттун макулдугу менен акчаларды карызга алуу укугуна да ээ болот.

Мындан тышкары, кайра уюштуруу планы сунушталат, укуктары бузулган кредиторлор план боюнча добуш бере алышат, эгерде ал талап кылынган добуштардын санын алса жана белгилүү мыйзам талаптарына жооп берсе, сот тарабынан бекитилиши мүмкүн.

Поделиться в соцсетях:

Акыркы жаңылыктар

«Манас» аэропорту: Быйыл 3 млрд 136 млн сом киреше алдык 8 декабря 2021 г.    17:21
Монополияга каршы агенттик: КРда бензиндин кескин кымбатташына жол берген жокпуз 8 декабря 2021 г.    17:00
«Улуттук энергохолдинг» Токтогулдан Казакстанга кошумча агызылып берген суу тууралуу комментарий берди 8 декабря 2021 г.    16:44
Жер салыгынан бошотуудан үч жылда бюджетке 1 млрд сом түшпөй калат 8 декабря 2021 г.    15:28
Казакстандын премьери Жапаровго Токтогул суу сактагычынан кошумча суу агызып бергендиги үчүн ыраазычылык билдирди 8 декабря 2021 г.    14:35
Кыргызстан Европага салыштырмалуу 1 чарчы метрге 4 эсе көп электр энергиясын колдонот 8 декабря 2021 г.    12:11
Акылбек Жапаров: Республиканын 12 миң тонна буудайга муктаждыгы бар 8 декабря 2021 г.    11:40
Евробиримдик Кыргызстанга чек ара көйгөйлөрүн чечүүгө 700 миң евро берет 8 декабря 2021 г.    10:28
Бардык жаңылыктар
НБ КР
USD 84.61
EUR 102.12
RUB 1.14
KZT 0.201
Моссовет
USD 84.91
EUR 96.55
RUB 1.16
KZT 0.200

Конвертер валют