Энергетикалык компаниялардын чыгымдары дээрлик 2 млрд сомго кыскарды

Энергетикалык компаниялардын чыгымдары дээрлик 2 млрд сомго кыскарды

Каражаттардын тартыштыгын азайтуу максатында, энергетикалык компаниялардын чыгымдары 1,7 млрд сомго кыскартылды. Бул тууралуу 26-майда «Улуттук энергетикалык холдингдин» басма сөз кызматы билдирди.

Төмөндөгү аты аталган компаниялардын бюджеттери кыскартылды:

  • «Электр станциялары» ААК — 898.8 млн сом
  • «Чакан ГЭС» ААК — 10.2 млн сом
  • «НЭС Кыргызстана» ААК — 142.7 млн сом
  • «Түндүкэлектро» ААК — 477.6 млн сом
  • «Чыгышэлектро» ААК — 49.5 млн сом
  • «Ошэлектро» ААК — 81.3 млн сом
  • «Жалалабатэлектро» ААК — 40.7 млн сом
  • «Бишкетеплосеть» ААК — 21.8 млн сом

Мындан тышкары, «Улуттук энергетикалык холдингде» директорлор кеңешинин мүчөлөрүнүн саны бир адамга кыскарды. Кеңешчи жана холдингдин алты кызматкери жумуштан кетирилип, жаңы уюштуруу түзүмү бекитилди.

Ошондой эле тогуз энергетикалык компаниянын жетөөсүндө башкы дирекциянын мүчөлөрүнүн саны төрт адамдан үч кишиге чейин кыскарып, кеңешчи жана ички аудит кызматтары жоюлду деп белгиледи холдингдин басма сөз кызматы.

Ошол эле учурда, ички аудит кызматтарынын жоюлушуна байланыштуу, туунду компаниялардын каржылык-чарбалык ишин натыйжалуу контролдоо максатында, текшерүү комиссиясынын иши күчөтүлмөкчү.

Поделиться в соцсетях:

Акыркы жаңылыктар

Fly Dubai Дубайдан Бишкекке жумасына 14 жолу каттайт 1 июля 2022 г.    10:42
Садыр Жапаров Кыргызстанда казино ачуу боюнча чыр-чатактуу мыйзамга кол койду 1 июля 2022 г.    10:29
Бишкек шаарын өнүктүрүү агенттиги инвесторлор үчүн колдонмо иштеп чыкты 30 июня 2022 г.    18:08
«Кыргызиндустрия» демилгеси астында компьютерлерди, Wi-Fi роутерлерин жана кассалык машиналарды чыгаруу пландалууда 30 июня 2022 г.    17:31
Кыргызстандын Кытайга карызы 1.8 млрд долларга жакындады 30 июня 2022 г.    16:49
Кыргызстандын Сот департаменти менчиктештирилип, калыбына келтирилген «Синегорье» пансионатын тартып алууга аракет кылууда – ээлери президенттен коргоо сурашууда 30 июня 2022 г.    15:58
Айыл тургундары өз алдынча онлайн-курстарды ача башташты 30 июня 2022 г.    14:47
Кытай экинчи айланма Чүй каналынын курулушун каржылайт 30 июня 2022 г.    13:59
Бардык жаңылыктар
НБ КР
USD 79.50
EUR 83.20
RUB 1.37
Моссовет
USD 80.77
EUR 84.52
RUB 1.38

Конвертер валют