Баткендин Максат айылында үйлөрдүн курулушу башталды

Баткендин Максат айылында үйлөрдүн курулушу башталды

Баткендеги кыргыз-тажик тилкесинде болгон окуяларда жабыркаган Лейлек районунун Максат айылында жаңы үйлөрдүн жана билим берүүчү жайлардын курулушу башталды. Президент Садыр Жапаров бүгүн, 27-майда, Баткен облусуна болгон иш сапарынын алкагында курулуштун жүрүшү менен таанышып, жаңы мектептин пайдубалына капсула салды.

Мамлекет башчысы талкаланган объектилерди, анын ичинде өрттөлүп кеткен мектепти көрүп, ошондой эле турак-жай имараттарынын жана билим берүү объектилеринин курулушу, атап айтканда, 100 орунга эсептелген 2 кабаттуу жаңы бала бакчанын долбоору менен таанышты.

Президент ошондой эле жергиликтүү тургундар менен жолугушуп, алар менен баарлашууда мамлекеттик чек араны делимитациялоо жана демаркациялоо иштери жөнүндө кеңири айтып берди.

Мамлекет башчысы Баткен облусуна мамлекет тарабынан өзгөчө көңүл бурулуп келе жаткандыгын жана мындан ары дагы көңүл буруларын баса белгиледи.

Президент Садыр Жапаров Баткен эли менен жолугушууда

Ошондой эле президент Лейлек районундагы Борбордук айылында мектептин жаңы имаратынын пайдубалына капсула салды. Долбоорго ылайык, 2 кабаттуу мектептин имараты 225 окуучуга ылайыкталган.

Андан сырткары, өлкө башчы Лейлек районундагы «Жаңы-Жер» чек ара тозотунда болду. Аскер кызматкерлери менен жолугушууда өлкөнүн чек арачылары менен укук коргоо органдарынын даярдыгынын, бийик моралдык духунун жана баатырдык аракеттеринин аркасында өлкөнүн аймактык бүтүндүгү сакталып калгандыгын белгиледи.

Президент жакынкы мезгилде Баткен облусуна аймактык социалдык-экономикалык жактан өнүктүрүү максатында өзгөчө статус берилерин баса белгиледи. Бул статустун алкагында облуска бир катар жеңилдиктер берилет, анын ичинде салыктык жана инвестициялык өзгөчө режим киргизүү пландаштырылууда.

Поделиться в соцсетях:

Акыркы жаңылыктар

Мамлекеттик ишкана казарма курууга арналган 26 млн сомду коротуп салган 1 июля 2022 г.    18:09
Оштон Ысык-Көлгө түз аба каттамы ачылды 1 июля 2022 г.    17:54
Эски прокуратуранын имараты бузулуп, ордуна жети кабаттык заманбап имарат курулат 1 июля 2022 г.    15:14
Жарым жыл ичинде 263 бизнеске банктан кредит алууга мамлекеттик кепилдик берилди 1 июля 2022 г.    14:57
Садыр Жапаров Кыргызстандын өнүгүүсүнө жана бюджетти толтурууга кошкон салымы үчүн ишканаларга сыйлык тапшырды 1 июля 2022 г.    14:07
Кыргызстандын банктары накталай долларды миллиондоп алып келет, бирок аны Россияга мүшөктөп ташып жатышат — Улуттук банктын жетекчиси 1 июля 2022 г.    13:09
Алты өлкөнүн темир жол тармагынын өкүлдөрү эл аралык маршрутту өнүктүрүү маселесин талкуулашты 1 июля 2022 г.    11:53
Fly Dubai Дубайдан Бишкекке жумасына 14 жолу каттайт 1 июля 2022 г.    10:42
Бардык жаңылыктар
НБ КР
USD 79.50
EUR 83.20
RUB 1.37
Моссовет
USD 80.77
EUR 84.52
RUB 1.38

Конвертер валют