Микрокредит алуучулардын саны барган сайын көбөйүүдө

Микрокредит алуучулардын саны барган сайын көбөйүүдө

Микрокредит алуучу кыргызстандыктардын саны күн санап өсүүдө. Бул тууралуу Улуттук статистика комитети билдирет. Ошондой эле 2021-жылдын I кварталында микрокредиттердин 24%га жакынын Ош облусунун тургундары алышкан.

Үстүбүздөгү жылдын I кварталында микрокредиттерди берүүчү уюмдар тарабынан 8,5 млрд. сом суммасында кредиттер берилген, муну менен бирге алуучулардын саны 168,4 миң адамды түзгөн. Микрокредит алган калктын саны өткөн жылдын тийиштүү мезгилине салыштырганда 17%га, ал эми берилген микрокредиттердин көлөмү 23,4%га көбөйгөн.

Микрокредиттерди алуучулардын басымдуу саны Ош (алуучулардын жалпы санынын 23,8 %ы) жана Жалал-Абад облустарына (17,3%ы), ошондой эле Бишкек ш. (14,5%ы) туура келет.

Үстүбүздөгү жылдын I кварталында берилген микрокредиттердин жалпы көлөмүнүн 36,3%ы – айыл чарбадагы ишмердикти өнүктүрүүгө, 30,2%ы – керектөөчүлүк муктаждыктарга, 11,5%ы – соода жана коомдук тамак-аш чөйрөсүнө багытталган.

«Үстүбүздөгү жылдын I кварталында белгиленген мөөнөттөргө ылайык микрокредиттерди кайтаруунун деңгээли, өткөн жылдын I кварталына салыштырмалуу бир пайыздык пунктка көбөйүү менен 89%ды түздү», – деп билдирет Улуттук статком.

Поделиться в социальных сетях:

Последние новости

Ленин районунун күзөт бөлүмү 10 миң литр бензинге төлөнүүчү 2 млрд 840 млн сомдук тендерге комментарий берди 18 октября 2021 г.    13:36
ОКӨФ Ош шаарындагы ири тигүү фабрикасынын курулушун каржылайт 18 октября 2021 г.    11:22
Мамлекет 42 дарынын баасын көзөмөлгө алат 18 октября 2021 г.    10:33
Эмдөөнүн жай жүрүшүнөн улам КРнын экономикасынын калыбына келиши көп убакытты талап кылышы мүмкүн 18 октября 2021 г.    10:17
Ленин районунун күзөт бөлүмү 10 миң литр бензинди 2 млрд 840 млн сомго сатып алууга тендер жарыялады 15 октября 2021 г.    17:01
Аскар Акаев Кыргызстанды эстеди – ал «Алтын балалык» борборуна 1 млн сом которду 15 октября 2021 г.    16:09
Тенгиз Бөлтүрүк: «Кумтөрдөн» канча киреше түшүп жатканын айта албайм 15 октября 2021 г.    14:40
«Центерра Голд» КРдан чыгып кетүүгө даяр, бирок биздин 26% акциябызды сурашууда – Акылбек Жапаров 15 октября 2021 г.    14:27
Все новости
НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 98.90
RUB 1.20
KZT 0.200

Конвертер валют