Кореялык компания «Манас» аэропортунда ПЧР-лабораториясын ачты

Кореялык компания «Манас» аэропортунда ПЧР-лабораториясын ачты

Кореялык «BS Group» корпорациясы Бишкек шаарында «ABDSIO Lab» («Манас» эл аралык лабораториясы) ПЧР-лабораториясын расмий ачып жатат. Бул тууралуу аталган компаниянын төрагасы Пак Хё Рин бүгүн, 21-майда КРнын Министрлер Кабинетинин Төрагасы Улукбек Марипов менен болгон жолугушуусунда билдирди деп айтылат өкмөттүн маалымат кызматы.

Бүгүн КРнын Министрлер Кабинетинин Төрагасы Улукбек Марипов «BS Group» (AMSBIO, OMNISYSTEM) корпорациясынын төрагасы Пак Хё Рин (Корея Республикасы)  менен жолугушту. 

«BS Group» корпорациясынын төрагасы Пак Хё Рин маалымдагандай, компаниянын иши гидроэнергетика, медицина, фармацевтикалык өндүрүш, магниттик карталарды жана төлөм жабдууларын өндүрүү сыяктуу багыттарды камтыйт.

Пак Хё Рин атамекендик экономикага инвестициялоого кызыкдарлыгын билдирди жана компания бүгүн Бишкек шаарында «ABDSIO Lab» («Манас» эл аралык лабораториясы) ПЧР-лабораториясын расмий ачып жаткандыгын айтты. 

Лабораторияда бир күндө 14 миңге жакын адам ПЧР-тестирлөөдөн өтө алат, ал эми жыйынтыгы тест тапшырган соң бир сааттан кийин дайын болот. 

Министрлер Кабинетинин Төрагасы Улукбек Марипов «BS Group» корпорациясынын иши медициналык тармакта гана эмес, экономиканын башка тармактары боюнча да кеңейтилээрине ишеним билдирди.

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 98.96
RUB 1.20
KZT 0.200

Конвертер валют