«Кумтөрдө» өндүрүш токтоп калса, бул орду толгус кесепеттерге алып келет – Тажибаев

«Кумтөрдө» өндүрүш токтоп калса, бул орду толгус кесепеттерге алып келет – Тажибаев

Жогорку Кеңештин 17-майдагы кезексиз отурумунда «Кумтөр Голд Компани» ишканасына убактылуу тыштан башкарууну киргизүү тууралуу токтом кабыл алынган. Натыйжада, министрлер кабинети Тенгиз Бөлтүрүктү «Кумтөр Голд» ишканасына убактылуу тыштан башкаруучу кылып дайындап, алтын кендеги өндүрүштү көзөмөлүнө алган.

Тоо-металлургия профсоюзунун төрагасы Эльдар Тажибаев Economist.kg  басылмасына берген маегинде, компанияга тыштан башкаруу кандай тобокелчиликтерди алып келээри тууралуу айтып берди.

«Биринчи кезекте, керектүү жабдыктарды, запастык бөлүктөрдү, КММ сыяктуу каражаттарды алып келүүдө маселе жаралышы мүмкүн. Учурда ал жакта жолго коюлган конвейер лентасы бар, ошол үзгүлтүксүз жүрүп жаткан процессти токтотбош керек», – деп белгиледи Тажибаев.

Мындан тышкары, жетекчилик каражат менен камсыздаган жеткирүүчүлөр менен келишим түзгөн, алардын көбү – чет элдиктер.

 «Андыктан «Центерранын белгилүү бир рычагдары бар, алар Кыргызстанга жеткирүүнү үзгүлтүккө учуратышы мүмкүн. Албетте, биз өндүрүштү токтотууга кызыкдар эмеспиз, анткени бул орду толгус жоготууларга алып келиши мүмкүн. Бир эле фабриканы калыбына келтирип, ишке киргизүү үчүн айлар кетет, ошондуктан жоготуулар да баарыбыз үчүн эбегейсиз чоң болот. Эң башкысы – өндүрүү процесси үзгүлтүккө учурабаш үчүн күйүүчү май сыяктуу каражаттар менен камсыздап турушубуз керек», – дейт ал.

Тоо-металлургия профсоюзунун төрагасынын айтканына ылайык, «Кумтөр» боюнча мамкомиссия бул сыяктуу маселелердин баары көз жаздымда калбайт деп ишендирген.

 «Учурда өндүрүш бир канча ай үзгүлтүккө учурабай тургандай запас бар. Бирок бул процесс андан ары да токтобой иштеп кетиш керек», – деп белгиледи Эльдар Тажибаев.

Эске салсак, кыргыз бийлигинин «Кумтөр Голд» ишканасын убактылуу тыштан башкаруу чечимине Канада нааразы экенин жарыялаган. Бул КРна келчү келечектеги инвестицияларга терс таасирин тийгизиши мүмкүн деп билдиришкен Канаданын тышкы иштер министри Марк Гарно менен чакан ишкерлик, экспорт жана эл аралык сооданы өнүктүрүү министри Мэри Ын.   

Компаниянын өзүнүн расмий жарыялаган маалыматында «акыркы болгон окуяларга байланыштуу Centerra Gold «Кумтөрдү» башкарбай калганын» айткан.

 

Поделиться в социальных сетях:

НБ КР
USD 84.61
EUR 102.12
RUB 1.14
KZT 0.201
Моссовет
USD 84.90
EUR 98.87
RUB 1.20
KZT 0.200

Конвертер валют